لیپزگ ، جرمنی ۔ بلوچ نیشنل موومنٹ ( بی این ایم ) جرمنی چیپٹر نا صدر شر حسن لیپزگ ئٹی مروکا تقریبءِ بلوچ قوم نا آجوہی و خود ارادیت نا جُہدءَ کِن بین الاقوامی حمایت کننگ کِن خواست کرے۔
پوگ ہاؤس ئٹی خطاب کریسہ ھو بلوچ مخلوک تون مروکا تاریخی بے انصافی و پاکستانی ریاست نا کُنڈ اَن انسانی حقوق نا یک کش ئٹ خلاف ورزی آتے موُنءِ ایس ۔ ھو بلوچ نا شناخت و بقاءَ نا ساتِنگ کِن زور تِس ہرا بُلو وخت سیہن خطرہ تیٹیءِ۔
شر حسن پارے اینو ننا جنگ خالی ننا سر زمینءَ کِن اَف ، بلکِن ہوڑتون ھوار ننا وقار ، ثقافت و شناخت ہم دشمن نا زد ئٹیءُ ، ہرافتے بلو وخت سیہن منظمءُ وڑئسیہٹ خلاس کننگ نا کوشست کننگ ئٹیءُ۔ دا جُہد ئٹی نن تنیا اَف ہون۔ ننے بین الاقوامی حمایت ہم مللنگ ئٹیءِ دُونکہ اینو نا دا مُچیءِ ، ننا تحریکءِ مونی دیک و اَسے سافءُ کُلؤ ئسءِ ۔ دنیا ہورنگ ئٹیءِ کہ ھو نہ خالی انصاف کِن ننا توارءِ بنے بلکِن آزاد بلوچستان نا جنگ ئٹی ھم نن تون سلی۔
دا تقریب ئٹی بلُو مخلوک ئس بشخ الکوسُس۔ شر حسن تینا تقریر ئٹی بلوچستانءِ مروکا احتجاج آک و تحریک ئٹی زالبول آتا کِرد نا بارسٹ ھم اِیت کرے۔ ھو عالمی برادریءِ زور تریسہ پارے کہ ھو بَش مریر و بلوچ قوم تون ھوار مریر۔
ہونا پریزنٹیشن اَن پد ، بندغ آک بلوچ قوم نا تاریخی جُہد ، تحریک تون مون پہ مون مروکا چیلنج آک و بین الاقوامی حمایت و مون مُستی امیت آتا زی آ سوال ہم کریر۔
تقریب نا ایسر اَسے ثقافتی وڑئسیہٹ مَس اراٹی بلوچی سازوزیمل و چاپ ہم خلنگاءَ۔
