بلوچ نیشنل موومنٹ ( بی این ایم ) جرمنی نا جوائنٹ سیکریٹری شلی بلوچ جرمنی ٹی آپرن پلاٹز ، ھنوفر ئٹی کرد آتا کوبانی ٹی داعش نا خلاف مروکاءَ جنگءِ ایسر کننگ نا دمیکو سالگرہ نا موقعءِ مظاہرہ ٹی بشخ الکُر و کرد آتا جُہد تون یکجاہی کریر۔
دا موقعءِ ھو کرد آتَن خطاب کریسہ پاریر بلوچ آک و کرد آک دا وختءِ اسیوڑئنا حالیت آتون مون پہ مونءُ ، ہرتوما قوم آک سال آتا سال ریاست آتا شیف ئٹ مروکا ظلم و جبر و محکومی نا آماچ کننگانءُ۔
شلی بلوچ پارے ہر قوم نا انقلاب ئٹی زالبول آتا اَسے جوانو کرد ئس مسہونءِ۔ دا ننا خوش قسمتیءِ کہ کرد و بلوچ آک بہادر و سیاسی شعور تخوُکءُ خودمختارءُ زالبول آتا طاقت ئس ہم تِیخیراءَ۔
ھو انسانی حقوق نا ہمو معتبر انگا ادارغاتہ رپوٹ نا حوالہءِ تریسہ پارے ہیومین رائٹس واچ و ایمنسٹی انٹرنیشنل بلوچ زالبول آتا جبری بیگواہی آتا کیسءِ دستاویز نا شگل ئٹ مونءِ ایسہونءُ، ہرافتے آجوہی نا جُہد ئٹی ھوار مروکاءَ نرینہ غاتے سزا تننگ کن نشانہ کننگانءِ۔ دا جبری بیگوائیک بین الاقوامی قانود تون ھوار بین الاقوامی عہدنامہ ٹی شاری و سیاسی حق آتا (ICCPR) خلاف ورزیءِ ۔ بلوچ حقوق نا وکالت کروکاءَ زالبول کارکناک و صحافیک باز وخت دھمکی تننگ ، تنک کننگ و باز وخت جلاوطن کننگ تون ہم مون پہ مون مریرا۔دونکہ کینیڈا ٹی شہید بانک کریمہ جلاوطنی نا زندءِ تدفنِگ ئٹی ئس۔
شلی بلوچ پارے بلوچ زالبول آتا جُہدئنا اہمیت و ہوفتہ ہمت و انصاف ہتون تفوکاءُ اَسے چیدگ ئسے ، دونکہ ہوفتے سخت انگاءَ چیلنج آتون مون پہ مونی مننگ ئٹیءِ۔ پدا ہم ھو بلوچ ثقافت نا پازیفوکءُ و مزاحمت نا توارءِ چست کننگ کِن ہچءُ خلیس سیہن چک و پد متَنءُ۔
