بلوچ نیشنل موومنٹ نا چیرمین ڈاکٹر نسیم بلوچ اقوام متحدہ نا ہیومین رائیٹس کونسل نا 54 می باقاعدہُ اجلاس سیئن خطاب کریسہ پارے پاکستانی پوج نا کُنڈ اَن بلوچستان ئٹی بندغی حقاتا سنگین اِنگا خلاف ورزی مننگءُ دافتے نوٹس اَللنگ نا لوٹءِ کرے۔
ترقی نا حق آتون ہوار کُل بندغی حق آک ، شاری ، سیاسی ، معاشی ، سماجی ، و ثقافتی حق آتا مونی اننگ و ہوفتا حفاظت نا زی آ بحث کریسہ ڈاکٹر نسیم بلوچ بلوچ مخلوک نا زی آ گدرینگوکا سنگین انگا حالیتءِ زور تس و پارے پاکستانی پوج نا دُو اَن بلوچ نا نسل کشی مننگءِ ، داٹی جبرئٹ بیگواہیک ، کسفنگ ، خولیس پیدا کننگ و اُورا تا تباہیک ہوارءُ دا کُل وڑاتے بلوچ مخلوک ہردے سگِننگ ئٹیءِ۔
بی این ایم نا شعبہ انسانی حقوق (پانک ) نا حوالہءِ تریسہ پارے ، ڈاکٹر نسیم بلوچ بلوچستان ئٹی بندغی حقاتا سنگین اِنگا حالیت نا زی آ توجو تریسہ حساب ہم تِس ھو پارے اگست نا تُو اے بلوچستان ئٹی 64 جبرئٹ بیگواہیک مسونءُ و موسِٹ کسِفنگانءُ۔پدا ھو گڑاس مخصوصا کیس آتے مونا ایس اموکہ بلوچ قوم نا ہولناکنگا تجربہ تا مثال جوڑ مسہونءُ۔
اننا وڑنا اَسے معاملہ اَس انا سال نا 15 مئی ٹی اَسے زالبول ٹیچر نجمہ تون پوج نا پارغن جنسی ہراساں کننگ نا وڑاَٹ مس ہراڑن ہو خودکشی کرے۔ اپریل 2021 پیش بروکا اَسے واقع سیٹی ، بلوچستان نا علاقہ ہوشاپ ئٹی مراد امیر پنی آ 13 سالی طالب علم سیتون پوجیک زیادتی کریر۔داڑن بیدس آوارانءِ تُولوک نور جانءِ 20 مئی 2021 پاکستان نا پوج تینا مسِڑءِ پوجی کیمپءِ اتِنگ کِن زور شاغنگا اراڑن ھو مجبور مَسءُ تینا جانءِ تِس۔
ڈاکٹر نسیم بلوچ اننا سال نا 28 اگست ئٹی پیش مروکا واقع سے آ اِیت کریسہ پارے نور خاتون پنی آ زالبول اَس بلوچستان نا مرکزی آ شار شال اَن شش دے اِسکان بغیرس عدالت سینا پاننگ اَن گرفتار ، بیگواہ و ھونا اِرا چُناتون ھوار تشدد کننگیک۔
تینا تقریر نا آخیرءِ ھو بلوچستان ئٹی انسانی حقوق نا وار وار سنگین اِنگا خلاف ورزی تا حوالہ اَٹ زُوتس توجُو تننگ کِن زور تِس و کاروائی کننگ نا مطالبہءِ
کرے۔
۔۔۔۔۔۔۔۔۔۔۔۔۔۔۔۔۔۔۔
اقوام متحدہ نا بندغی حقوق کونسل نا اجلاس ئٹی بی این ایم نا چیرمین ڈاکٹر نسیم نا تقریر نا متن:
اِی پاکستانی پوج نا کنڈ اَن بلوچستان ئٹی مروکا حالیت نا زی آ دا اسمبلی نا توجُوءِ خواوءَ۔بلوچ مخلوک نا نسل کشی وحشیانہ وڑاَٹ مننگ ئٹیءِ ، داٹی جبرئٹ بیگواہی ، کسِفِنگ ، تشدد کننگ ، خولیس پیدا کننگ و اُورا تا تباہیک ھوارءُ۔
بندغی حقاتا تنظیم پانک اننا اگست ئٹی تینا رپوٹ ئٹی بلوچستان ٹی 64 جبرئٹ بیگواہیک و موسِٹ کسِفنگانءِ۔پاکستان بنگلادیش نا وڑاَٹ بلوچستان ئٹی جنسی زیادتی کننگ ئٹیءِ۔
اپریل2021 ئٹی پوج بلوچستان نا علاقہ ہوشاب ئٹی 13 سال نا طالب علم مراد امیر تون جنسی زیادہی کرے۔
آواران ئٹی تُولوک نور جان 20 مئی 2021 ئٹی پوج نا دباؤ اَن تینا جانءِ تِس ، پاکستانی پوج ہوڑے زور شاغا کہ تینا مسِڑ پوج نا کیمپءِ اتے۔
اننا سال نا 28 اگستءِ شال ئٹی نور خاتون پنی آ زالبولءِ گرفتاری اَن پد بیگوا کننگاءَ شش دے اِسکان ہوڑتون حوار ہونا اِرا چناتُون ہم تشدد کننگا۔
دا مظالمک اینو پہ دے اِسکان مننگ ٹیءُ ، دافتے زوتس توجُو و کاروائی کننگ نا زلورتءِ۔
شکریہ
