بلوچ نیشنل موومنٹ ( بی این ایم ) نا پارغن بلوچ قومی تحریک آجوئی نا بارسٹ مخلوک ءِ پاننگ و پاکستانی ریاست نا بندغی حق آتا خلاف ورزیءِ پاش کننگ کِن برطانیہ نا شار کیمرج ئٹی اَسے آگاہی مہم اَس چلائفنگا۔
بی این ایم نا باسک آک تینا مسکد نا بارسٹ حمایت النِگ کِن اسٹوڈنٹ ،شاری و اِیلو جہی مخلوک آتون ملار و عالمی برادریءِ سکی ئٹی اننا پاننگا کہ ھو بلوچ قوم تون مروکا بے انصافی آتا پاکستان اَن سوجءِ الیر۔
لندن ، لیڈز ، نیوکیسل و مانچسٹر نا وڑنا بلا شار تیٹی موست ئنا مہم آتے سرسوبی ئٹی اڈ تننگ اَن پد بی این ایم تینا مہمءِ کیمرج اِسکان شنگ کرینءِ تنکہ عالمی سطغءِ بلوچ قوم نا توارءِ چِست کننگءِ ۔
مہم نا بارسٹ اِیت و گپ کریسا بلوچ نیشنل موومنٹ نا نمائندغاک پاکستانی ریاست نا کُنڈ اَن بلوچ قوم نا خلاف کروکا منظم انگا بندغی حق آتا خلاف ورزیءِ تورنگ کِن زوتَس زُو گام اَس چِست کیِر۔
ھو پاریر بلوچ قوم نا حقءِ آجوہی نا وقالت کننگ کِن بین الاقوامی کمک و حمایت نا سک زلورت ءِ۔
