جنیوا : بلوچ نیشنل موومنٹ نا چیرمین ڈاکٹر نسیم بلوچ اقوام متحدہ نا بندغی حقاتا کونسل ( یو این ایچ آر سی) نا 52 می اجلاس ھن خطاب کریسہ پارے بلوچستان ٹی بندغی حقاتا خلاف ورزی کننگ کِن پاکستان نا پوج ھن حساب الننگ نا خواست اے کرین اے ۔
ڈاکٹر نسیم بلوچ پارے “ای اقوام متحدہ نا کونسل ھن درخواست کیوا کہ ھو پاکستان نا سیکیورٹی فورساتے 21 می صدی نا دنیا ٹی بندغی حقاتا خلاف ورزی کننگ کِن جوابدہی کے۔
بی این ایم نا چیرمین پارے ، 2023 نا اولیکو اِرا تُو ھٹی پاکستان نا فورسس آک بلوچستان ھٹی 80 بندغ بیگوا کرین او ہوفتیٹی اِرا زالبول و 18 اسٹوڈنٹ ھوار او۔ ہوفتا جاگہ داسکان اوفتا ہورا والاتے ھم خبر اف کہ اوفتے ارافتیٹی بندی او۔
ھو پارے یونیورسل پیریڈک ری ویو ھٹی پاکستان نا دعواتے نن راست پاپن ھا ھو پارے جنوری ٹی ، تینا یونیورسل پیریڈک ری ویو ( یو پی آر ) ھٹی ، پاکستان ہوڑے بندغی حقاتا حالیتاتے جوان پاننگ کن دروغ نا دعوی کرین اے۔ ولے حقیت ھٹی دوُن اف پاکستان نا سیکورٹی فورساک بلوچستان ھٹی ہر وڑو جرم کننگ ھٹی او۔دا جرم تیٹی جبرھٹ بیگواکننگ و بندغتے بغیر وجہ سے ھن کسفنگ ہوار اے ۔
ھو یو پی آر نا 24 میکو اجلاس ٹی بازا ملک آتا عمل نا تعریف کرے ہمو کہ پاکستان اے زور تیخاسور کہ ھو جبرھٹ بیگواہی تے توریر ، ھو پارے اقوام متحدہ نا 42 می اجلاس ھٹی بھارت ، اسرائیل ، ہالینڈ ، اٹلی و پیراگوئے پاکستان ھٹی جبرھٹ بیگواہی نا ختم کننگ کِن زور تخان او ۔دا اجلاس ھٹی ھو مذھبی اقلیت آتا حقاتا پازنگ کن بازنگا ایت آتے مونا ایسون او ۔نن ہوفتا اصولی انگا ایت آتا اوست نا ہوب ھٹ راستی پانا و اوفتا دا عمل نا تعریف اے کینا۔
