واشنگٹن : بلوچ نیشنل موومنٹ ( بی این ایم ) امریکہ ٹی پوُکُنءُ چیپٹر ئس جوڑ کرے ہراٹی موسے یونٹ ھوارءُ زوتس چیپٹر نا کابینہ گچین کننگ گیک۔ دا حوالہ ئٹ اجلاس ئٹی بی این ایم نا بنجاہی کونسلر نبی بخش بلوچ نا صدارت ئٹی دے ٹکی ریجن ، روکپتی ریجن و نیام نا ریجن ئٹی یونٹ جوڑ کننگاءَ۔
اجلاس ئٹی کُل امریکہ اَن بی این ایم نا ممبر آک یکجاءَ مسہور اراٹی میر دوست بلوچ و سمیع بلوچ ھوار اسہور۔
دے ٹکی ریجن نا یونٹ کِن اسلم بلوچ سیکریٹری و عبدالرحیم بلوچ ڈپٹی سیکریٹری گچین کننگار ، روکپتی ریجن نا یونٹ کِن میردوست عیسی سیکریٹری و عنایت بلوچ ڈپٹی سیکریٹری گچین کننگار و نیام نا ( سینٹرل ) ریجن نا یونٹ کِن ظفر اقبال سیکریٹری و فضل بلوچ ڈپٹی سیکریٹری گچین کننگار۔
جنرل باڈی نا اجلاس موننا تُوے مریک اراٹی چیپٹر نا عہدیدارآک گچین کننگیرا و پوسکن انگاءَ عہدیدارآتے حلف تننگ گیک۔
