رپورٹ ۔ اردو ( ڈاؤن لوڈ پی ڈی ایف )
شال : بلوچ نیشنل موومنٹ نا شعبہ انسانی حقوق ، پانک اکتوبر 2023ء اے بلوچستان ئٹی مروکا بندغی حقاتا خلاف ورزی نا ردئٹ تینا ماہانہ رپوٹءِ سرجمی ئٹ شِنگ کرینءِ۔ دا بلا رپوٹ ئٹی بازنگا واقعغاتءَ زی آ چم شانک تننگانءِ اموٹی داڑے بندغی حقاتا خلاف ورزی آتے پاش کننگانءِ۔
رپوٹ نا وڑئٹ گدرینگوکا تُوے جبرئٹ بیگوا مروکا بازنگا واقعغاک رپوٹ مسہونءُ ، ہوٹی جم ئٹ 34 بندغ نا جبرئٹ بیگواہیک پانک نا اکتوبر 2023 ئٹی رپوٹ نا بشخ ئٹی اریر۔ پانک نا رپوٹ ئٹی پاکستان نا فورسس آک دا 34 بندغاتون ھوار ہزار آتا کچ ئٹ بلوچ آتے بے قانودی و بغیرس عدالت سینا حکم اَن بندی کرینءِ و ہوفتے مجرم جوڑ کرینءِ۔ پانک نا مطابق ئٹ دا عمل حاکم آتا کاریم تیٹی بلُو پریشانی اَس ودی کیک۔
پانک نا وڑئٹ ، گدرینگوکا تُوے بغیرس عدالت سینا حکم اَن کسفِنگ نا ہولناک انگا واقعغاتیٹی پاکستان نا فورسس آک دروغ نا مقابلہ تیٹی اولی وارءِ وختی اَن بندی و جبرئٹ بیگوا مروکا اِرا بندغاتءِ کسِفینءِ۔ دا کسِفوکاتءَ ذمہ واریءِ پولیس نا شعبہ انسداد دہشت گردی ( سی ٹی ڈی ) مننا سُوسس۔
رپوٹ ئٹی دا ہم پاننگانءِ کہ چیلنج آتَن بیدس ، پورا تُو ئٹی بندغی حقاتا بازنگا گروپ آک و متاثر مروکا خاندان آتا نیمغ اَن احتجاج و مظاہرآک مسہونءُ۔ طالب علم لیڈر شبیر احمد نا ہُرائی کراچی ٹی ھونا حفاظت ئٹ واپسی نا خواستءِ کریسا احتجاجیءُ مظاہرہ اَس کریسوس، انون انسانی حقاتا کارکن راشد حسین بلوچ نا جبرئٹ بیگواہی نا حوالہ ئٹ سیمینار اَس اڈ تننگاسُس۔
پانک نا بازنگا رپوٹ آتیٹی بندغی حقاتا گڑاس خاسءُ کیس آتا ہم ذکر کننگانءِ ، ہوفتیٹی جون 2000 ئٹی علی اصغر بنگلزئی نا جبرئٹ بیگوا مننگ ، و 31 اکتوبر 2023 اے جبرئٹ بیگوا انگا عبدالحمید زہری نا خلاسی ھوارءُ۔ ہرتومِنگا وڑ آتیٹی خاندان آتا بازنگا ایسر آتیکِن انساف مِللنگ کِن تینا جہُدآتے برجا تخنگانءِ۔
پانک نا رپوٹ ئٹی ھب بلوچستان اَن 10 سالہ سفر علی اے جبرئٹ بیگواہی تُون ھوار ھوار پنجاب یونیورسٹی نا طالب علم فرید بلوچ نا دست گیر کننگ و بیگواہیءِ ہم پریشانی نا اِیت اَس پارینءِ۔ پانک نا وڑئٹ فرید نا بندی کننگ اَن پد ھونا زی آ یونیورسٹی ٹی منشیات بہا کننگ نا دروغ ئنا ایف آئی آر اَس ہم جوڑکننگانءِ۔
پانک نا رپوٹ اکتوبر 2023 ئٹی بلوچستان نا شاری آتے پیش مروکا بندغی حقاتا چیلنج آتے خُورتی ئٹ ہوریسا بازانگا وڑآتیٹ مونا ایسونءِ۔ ھو بین الاقوامی تنظیماتءِ زور ایتِک کہ ھو دا مسلغاتءِ حل کیر و خطہ ٹی بندغی حقاتا حفاظت کننگ کِن مونا بریر و داڑے زوتَس قدم اَس چِست کیر۔
