کوزہ مروک آ بلوچستان ہراڑے قانود نا بالادستی افک
بلوچستان اسہ کوزہ مروکو ڈغار ئسے ہرانا خودمختاری 27 مارچ 1948 ئٹی پُھلِنگا۔ ہمو وخت آن ہلیس اینو اسکان پنجابی اسٹیٹ بیرہ پن ئنا اسلامی جمہوریہ پاکستان بلوچ قوم ئے بندغی و سیاسی حق آتیان محروم تخانے۔ اینو ہم بلوچستان ئٹ قانود آ عمل مفک۔
کوزہ گیر پنجابی آرمی بلوچستان ئٹ تینا ہندی ڈوھ دار آتا ذریعت ئٹ بیرہ پِن ئنا سرکار ئس ہیسُنے ہرا بیرہ پِن اسکان محدود ءِ۔ تیبہ حکومت ، بھلُنی، قدرتی مڈی تیا کنٹرول و بھلا فیصلہ غاتے صوبہ ئٹ ساڑی پاکستانی لشکر نا بھلّا کمانڈر کیک۔ پنجابی لشکر نا کنڈ آن کوزہ مروک علاقہ تیئٹ ہمو قانود آ عمل کننگِک ہرافک برطانیہ نا وخت آ داڑے نافذ کننگانو۔
زوراکی ئٹ بیگواہی : نسل کُشی نا منظم آ پالیسی
اینو آرمی نا زوراکی ئٹ بیگواہی نا پالیسی، پن ئنا "آپریشن سائلنس” شابیت مرسہ ریاست نا بے مہار آ آپریشن نا دروشم ئے ہلکُنے، ہراڑان ہچکس ہم رکھوک اف ، خوانندہ آ بلوچ آک ہرافتیٹ پروفیر و سٹوڈنٹ آک اوار ءُ، ریاستی زوراکی نا اولیکو کو نشانہ غاکو۔ بلوچستان ئٹ تینا دود و ربیدہ، بولی یا قومی چائند تون ہمگرنچ مننگ نا عمل ئے پاکستان نا برخلاف او عمل ئس چاننگ مریک۔ و دن انگا بندغ آتے زوراکی ئٹ بیگواہ کننگ مریک یا وے قانودی ئٹ کھسفنگ مریک۔
زوت ئٹ بیگواہی نا گواچی کننگوک نیاڑیک
29 مئی 2025 آ 24 سالی آ ماہ جبین بنت غلام مصطفی بلوچ واشک نا علاقہ بیسیمہ نا ہندی ئے، سول اسپتال شال آن دزگیر کننگ آن پد زوراکی ئٹ بیگواہ کننگا۔
22 نومبر 2025 آ 15 سالی آ نسرینہ بلوچ بنت دلاور بلوچ ئے حب آن پاکستانی لشکر زوراکی ئٹ بیگواہ کرے۔
دسمبر 2025 ئٹ خضدار آن سی ٹی ڈی فرزانہ بنت محمد بخش زہری ئے زوراکی ئٹ بیگواہ کرے۔
دا تدینیک بندغی حق آتا لتاڑنگ نا بحران نا چُنکو درشانی ئس کیرہ۔ ہزار آ بندغ آک زوراکی ئٹ بیگواہ مریرہ۔ ہڑدے پاکستانی لشکر نا کُنڈ آن کیہی بندغ آتے بے ڈوھ آن و قانودی پراسز ئسے آن زوراکی ئٹ بیگواہ کننگک و ٹارچر سیل تیئٹ بند کننگ مریک۔ وے قانودی ئٹ کھسفنگ و بٹِنگ ہڑدے ئی کاریم ئس جوڑ مسُنے۔
ننا خواست
نن جہانی بندغی حق آتا تنظیم آتیان خواست کینہ کہ او پاکستان نا ڈوھ تیا پام ایتر و اودے اونا کروکا ڈوھ تیا جوابدہ کیر۔
بلوچ نیشنل موومنٹ ( بی این ایم )
