معزز اِنگا بلوچاک!
ریاست نا دہشتگردی بلوچستان اے سیاسی،سماجی، معاشی،تعلیمی و بندغی بحران نا بشخ کرین اُو۔بلوچستان ھٹی دنوں طبقہ اَس اف کہ ھو ریاستی نا دہشتگرداننگا پالیسی تا گواچی مف۔ جبرھٹ بیگواہی،دروغ نا مقابلہ تن الیس مُچی نا سزاک بندغاتا زندگی اے باز سخت گَٹ کرین اُو۔ اگہ بندغاتا بحران اے ہورِس تو جبرھٹ بیگواہی تن بلوچ نوجوان تون ھوار زالبول و چُناک ھم بچیتن اُو۔ پوجی آپریشن آک ہوراتا ہوشنگ آک بلوچ مخلوک اے لڈو بار کننگ اے مجبور کرین اُو۔ بلوچستان انونوں ویل سے نا گواچی اے داڑیں چُپ مننگ بحثیت اے اَسے قوم سے نا نن کِن بلو جرم اَسے۔
محترم اِنگا بلوچ خواجہ غاک !
تعلیم نا زی آ اگہ نظر اَس شاغِن تو انون خبر تمیک کہ بنکی اِنگا تعلیم و تربیت نا مرکز یا کہ ارے بند اے یا سہولت آتن محروم اے یا پوجی تا قوضہ ٹی اے، معاش نا حالیت و کوبینی بلوچ مخلوک نا زندگی اے بے وڑ کرین اے، باڈرتا بندمننگ، ٹوکن سسٹم و دریاب ھٹی ٹرالنگ تے اتنگ مچچی تا بازاِننگا نسل آتے خلاس کرین اُو و ماہی گیر تیکِن شکار ہچس سلیتن اے اننا وجہ ھن ماہی گیرک اینو تینا اِرغ کِن موتاج مسون اُو۔
توانائی نا ذرائغاک نہ مننگ ھن زمیدارآک موتاجی نا زند اے تدیفسہ ہو و سرکار نا ملازم آک تینا تنخاتن ھم محروم کننگان ہو۔
بلوچ زمین نا وارث آک !
دا کُل حالیت نا ذمہ وار ریاست پاکستان و نام نہاداننگا حکومت بلوچستان اے ہمو کہ بلوچ دشمن پالیسی تے ہر وڑ ھو پائک مننک تا و قوم دشمنی نا فیصلہ تے بلوچ مخلوک نا زی آ شاغک اننا وجہ ھن بلوچستان اینو اَسے بحران سے ھن تدینگیسہ اے ۔
اَمررو چاگِرد اَس مرے ھوٹی بندغاتیکِن سیاست و سیاسی اِنگا عمل بلو اہمیت اَس تیخِک۔سیاسی اِنگا پاٹیک بندغاتا مذاجاتا وڑھٹ پالیسی جوڑ کیرا و اوفتیں عمل کیرا ولے پاکستان نا ریاست تینا مشینری اے استعمال کریسا بلوچستان نا آجوہی کِن جود کروکا پاٹی بلوچ نیشنل موومنٹ نا زی آ غیر اعلانی اُو پابندی و بلوچستان نا اسٹوڈنٹ آتا تنظیم بلوچ اسٹوڈنٹس آرگنائزیشن آزاد اے کالعدم کرین اے، ھو بلوچ سماج اے بانجھ کننگ نا کوشست اَس کرین اے۔ پاٹی و تنظیم آتا سدآتا لیڈر و کارکُنات اے شہید و ہزاراتا کچ ھٹی جبرھٹ بیگوا کرین اے ھو اننا بندغی آ بحران اے دنیا ھن ڈکنگ خوائک کہ دا دنیا نا مونا پاش مف۔
معزز اِنگا بلوچاک !
دا بندغی اِنگا بحران نا خلاف بلوچستان ھٹی آجوہی کِن جود کروکا پاٹی بلوچ نیشنل موومنٹ اَسے مہم اَس چلایفنگ نا اعلان اَس کرین اے،دا مہم ھٹی بازنگا محکمہ جات آک ( محکمہ انفارمیشن ، محکمہ انسانی حقوق ، محکمہ سماجی بہبود ، محکمہ خارجہ ) اَسے سافو مہم اَس چلایفنگ خوائک داڑن بلوچستان نا بحران دنیا نا مونا اَسے جوآنو وڑسیٹی پاش مرے و تخنگے و دا بحران ھن بلوچ مخلوک اے خلاسی الننگ کِن دنیا نا ضمیر اے بَش کننگ اے و پاکستان نا دروغاتے و اصلیت اے دنیا نا مونا پاش کننگ کن کمک اَس مِللے۔
بہادراِنگا قوم نا بہادراِنگا چُناک !
بلوچ نیشنل موومنٹ اَسے قومی اُو امانت اَسے ھونا روتغاک بلوچ مخلوک ھٹی پیوست اُو۔بلوچ نیشل موومنٹ نا مکسد اَسے آجو و خوشال اُو ریاست سے نا اڈتننگ و دانا آجوہی و خوشالی اے توننگ نا وعدہ اے کرین اے ۔
بلوچ نیشنل موومنٹ نا مہم نا مکسد دا ھم ارے کہ بلوچستان دا بحران ھن پیشن مرے و بلوچ اَسے مہذب ھو قوم سے نا وڑٹ تینا زند اے گدریفِر۔ بلوچ نیشنل موومنٹ دا مہم اے کامیاب کننگ نا خاترا بلوچ مخلوک ، طالب علم ، سوشل میڈیا ایکٹیوسٹس ، سیاسی تنظیم آک ، سیاسی پاٹی تون ھوار ایلو کُل طبقہ اے فکر ھن خواست کیک کہ ھو دا مہم ھٹی بشخ الیر و دا بحران نا خلاف توار چست کیر انتے کہ دا مہم نا کامیابی بلوچ مخلوک و بلوچ چاگِرد نا کامیابی اے۔
منتوار
بلوچ نیشنل موومنٹ
