بیلجیم: بلوچ نیشنل موومنٹ(بی این ایم) نیدرلینڈ ہنکین نا جنرل سیکٹری دیدگ بلوچ، عبدالواحد بلوچ، رقیہ بلوچ و عمران حکیم بیلجیم ئٹی پارٹی نا بھلنی ئے کریسہ پشتون قومی مُچی ٹی اوار مسُر۔
دا وخت آ دیدگ بلوچ پارے کہ بلوچ و پشتون قوم آک تاریخی، جغرافیائی، و ثقافتی وڑ ئٹ اسٹ ایلو تون گھنڈوک ءُ و ہڑتوماک اسہ وڑ ئنا لٹ ءُ پُل نا نظام و بے دادی تون مون تننگو۔
او پاریر کہ بلوچ قوم آن بار پشتون قوم ہم ریاستی بے دادی، زوراکی ئٹ بیگواہی، وے قانودی ئٹ کوش و مڈی تا لُٹنگ نا وڑ انگا بے دادی تا گواچی ءُ ننے آ اسہ ہندُنو ریاست ئس قوضہ کرینے ہرانا عمر ننا باوہ و پیرہ آتان ہم کَم ئے۔
بی این ایم نا باسک آک پاریر کہ راجی جُنز آتا سرسوبی اواری قربانی و مزاحمت ئٹی ئے۔ بی این ایم مدامی بیوس آ قوم آتیتو اوار سلوک ئے و پشتون قوم ئنا جہد ئٹی اوفتون اوار ئے. اسٹ انگا دشمن نا برخلاف اوار مننگ وخت ئنا زرولت ئے تانکہ لُٹ ءُ پُل نا برخلاف اسہ سوگو او مزاحمت ئس کننگ مرے۔
دیدگ بلوچ پشتون قوم ئنا شکر گزاری ئے ادا کرے و دا اومیت نا درشانی ئے کرے کہ بلوچ و پشتون قوم آک تینا آجوئی و حق آتیکن اوار مریسہ جوانو حکمت عملی تینائی کرور۔
