تربت : بلوچ نیشنل موومنٹ نا سیکریٹری جنرل دل مراد بلوچ شہدائے مرگاپ نا یادھٹ اڈتروکا ریفرنس ھن خطاب کریسا پارے پاکستانی ریاست اننا سمجھنگ اَس بلوچ لیڈر تا شہادت ھن پد بلوچ تحریک کمزور مریک ولے دا ھونا خام خیالی اَس۔ بلوچ نا تحریک شہداء تا شہادت ھن پد زیات مونی انیسا اے و بی این ایم موست ھن زیات تینا کاریمتے مونی درین اے ۔
دا ایت آتے ھو بی این ایم کیچ ھنکین نا نیمغ ھن شہدائے مرگاپ نا یادھٹ اڈتروکا پروگرام ھن خطاب کریسا پارے۔دا پروگرام نا مہمان اے خاص بی این ایم نا سیکریٹری جنرل دل مراد بلوچ اَس۔ پروگرام ھٹی شہدائے مرگاپ نا شہیداتے اوفتا قربانی تننگ اے سرخ سلام پیش کننگا۔ چیدگ بلوچ شہدائے مرگاپ نا واقع نا بارسٹ معلومات تِس۔
تینا خطاب ھٹ دل مراد بلوچ پارے چیرمین و ھونا سنگت آک رول ماڈل اسور۔موجودا بلوچ تحریک و پاٹی نا مضبوطی وجہ غلام محمد نا فکرو جہد نا وجہ ھن مونا اننانے۔
ھو پارے چیرمین غلام محمد ہروخت بی این ایم نا ادارغاتا زی آ کاریم کریکا اننا وڑھٹ ھو بی این ایم نا ادارغاتے مضبوط کرے۔نن قومی تاریخ نا زی آ نگاءَ اَس شاغِن قومی فیصلغاتے اسے بندغ کننگ ھٹی اسکا۔ قومی مفاداتے اسٹا بندغ نا مفاداتاک نتا کیرنگ کریرا ولے قومی ادارغاک قومیو فیصلہ کیرا اموڑے قومی انگا مفاداتا خیال اے تخنگک۔بلوچ قوم اے واجہ غلام محمد قومیو ادارہ سے نا خواجہ کرے۔
ممبرتا سوالاتا جواب ھٹ دل مراد بلوچ پارے پاکستان نا ریاست بی این ایم و ایلو آجوہی خواوک انگا پاٹی تیکِن زیرو ٹولیرنس نا پارلیسی اَس تخان اے ۔داسا ایت داڑے سر مسون اے کہ بلوچ زالبول و چُناتے ھم نقصان تننگ ٹی او ۔ولے ریاست دا اِیت اے پُو مرے بلوچ تینا کسر اے گچین کرین اے ھو غلام محمد نا شان تروکا کسر اے۔ ہمو وخت مُور اف بلوچ آجوہی نا دے ھم خنوئے۔
اتحاد نا بارسٹ سوال سے نا جوابے ترسا پارے انونکہ چیرمین خلیل پاریسوس “اتحاد بلوچ قوم کِن 21می کِرن ھٹی اَسے تحفہ اَس سمجھنگک۔”بی این ایم اینو ھم آجوہی خواوک انگا پاٹیت تون اتحاد و اسے جاگہ کاریم کننگ نا کوشست اے کننگ اے۔داڑے ننے اخہ کامیابی و ناکامی ملان اے بروکا وخت تینٹ دادے پاش کیک۔
نشست ھن شہید سلیمان سیل تربت نا رابطہ کار شلی بلوچ موجودانگا تحریک نا تاریخ نا شِیف و برزی تا زی آ اِیت کریسا پارے چیرمین غلام محمد، واجہ خیربخش مری و شہید اکبر خان بگٹی نا قیادت ھٹ شروع مروکا دا تحریک اے تورنگ کِن ریاست ہروڑو پالیسی جوڑ کرین اے ولے قومی توار اے ہچ وڑھٹ تورنگ کتن اے ۔ریاست نا جبر ھن بیدس بی این ایم مضبوط مریسا اے شہید غلام محمد و ھونا سنگت آک موجود اف اَس ولے اوفتا فکرو نظریہ ہر جہدکار نا دل و دماغ ھٹی زندہ اے۔
مونا شلی بلوچ پارے دا اسے راستی سے کہ شہیدانگا لیڈرتا جاگہ اے اسِٹ النگ کپ پک۔ شہیداتا شہادت تحریک کِے بلُو تاوان اَسے ولے اوفتا شان تروکا کسر اینو تینٹ ننے مونا دریسا اے۔
آخرھٹ دل مراد بلوچ ممبرتا سوالاتا جوابتے تِس۔
