بلوچ نیشنل موومنٹ جرمنی چیپٹر نا نیمغن بیئلفیلڈ و جرمنی نا کیپیٹل برلن اے بلوچستان ٹی نیاڑی تا زی آ ریاست نا تشدد و ماھل بلوچ نا بندی کننگ نا خلاف احتجاجی او مظاہرہ اَس اڈ تننگا۔
دا مظاہرہ ٹی نیاڑی ، چُناک و جرمنی ٹی رہائش کروکا کارکناک ھوار اسور۔ دا مظاہرہ ٹی پاکستان نا سیکورٹی فورسس آتا نیمغن بلوچ سیاسی کارکناتا و ماھل بلوچ نا جبرھٹ بیگوا کننگ نا خلاف نعرہ خلننگا۔
بی این ایم جرمنی چیپٹر نا صدر اصغر علی بندغاتَن خطاب کریسا پارے گدرینگوکا ایرا دہاہی تیٹی پاکستان نا پوج و ایجینسیک بلوچستان ھٹی سنگین انگا انسانی حقاتا خلاف ورزی تیٹی ھوار مسونو ۔ ہزاراتا حساب ھٹی سیاسی و سماجی کارکناتے دا حد اسکان عام اننگا شاری یعنی شہری تے مرضی اَن بغیر طاقت نا زور ھٹ بیگوا کننگان اے و ہزارا بندغاتے پاکستان نا فورسس آک کسفین ھو و خسان ھو۔
ھو پاریر یورپی یونین نا مُلکاک پاکستان نا بارسٹ تینا پالیسی تا زی آ نزس شاغِر و غور کیر۔ پاکستان بلوچستان ھٹی سنگینو جرم کریسا اے۔بلوچ تا نیاڑی و چُناتے بغیر مقدمہ سے ھن اذیت گاہ تیٹی تیخیک۔رشیدہ زھری اے 13 دے بغیر جرم سے ھن تینا ٹارچر سیل تیٹی تخا۔ سی ٹی ڈی 17 نومبر اے ماھل بلوچ جبرھٹ بیگوا کننگ پد ھوڑے دروغ نا مقدمہ خلک و دا وخت اِسکان خبر اف ھودے ہراڑے تخان اے و اوڑتون انت سلوک کننگ اے۔
ھو پاریر پاکستان بلوچ سیاسی اننگا قوتاتا توار اے بند کننگ کِن بلوچ زالبولاتے نشانہ جوڑ کرین اے۔ولے پاکستان تینا ڈکوکا زوراکی اے مونا دننگا ہچ کامیاب مفروے۔ھونا داوڑک تینا قومی آجوہی بلوچستان نا اَلنک کِن بلوچ قوم اے پِین زیات طاقت و قوت تروے۔
بلوچ نیشنل موومنٹ جرمنی چیپٹر نا جوائنٹ سیکریٹری شیر حسن پارے پاکستان بلوچستان اٹی انسانی حقاتا باز زیات خلاف ورزی اے کننگ اے۔پاکستان نا پوج اَسے دہشت گردو پوج اَسے دا 1971 ٹی بنگلادیش اے ھم انسانی حقاتا سنگینو خلاف ورزی کریسوس انون اینو پاکستان نا پوج بلوچستان اَٹی ذالبولاتے تینا ظلم و زوراکی تا نشانہ جوڑ کرین اے۔
بلوچ نیشنل موومنٹ نا ممبر ایمان بلوچ پارے بلوچستان نا مسلئہ 1948 ھٹی ھموتم شروع مَس کہ پاکستان نا پوچ دا سر زمین نا زی آ زبردستی قوضہ کرے ہمو ٹائم ھن الیس اینو اسکان بلوچاک تینا آجوہی کِن جدوجود کریساو پاکستان ھوفتے جبر و تشدد ٹی تورنگ نا کوشست کریسائے۔ اِیتاک ھمو وختا زیادہ خراب مسہور کہ پاکستان نا حکومت بلوچاتیں غیر ضروری طاقت نا استعمال کریسا بندغاتیں جبرھٹ بیگوا کننگ، تینا عدالتاتا فیصلہ آتے نتا کیرنگے کننگ بنداغاتے کسفنگ و سزا تننگے شروع کرے۔
ھو پاریر بلوچستان اَٹی انسانی حقاتا خلاف ورزیک خطرناکو موڑسیا رسینگان ھو۔ پاکستان نا پوج و ڈکوکنگا ادارغاک ہزارہا بلوچاتے کسفینو و بیگوا کرین ھو، اوفتے اذیت تننگان اے و افتا خاندان والاتے ھم دھڑکو تِسونو۔
سوشل میڈیا نا گرم جوش انگا کارکن ھداھیر الہی پارے بلوچ ذالبولاتے و ننا ایلوماتے بلوچ قومی آجوہی نا جود اے ختم کننگ کِن جیلاتیٹی شاغنگان اے۔ولے دا قوضہ گیر زیات ھورے اسکان بلوچستان اَٹی تینا قوضہ اے تورنگ کپپک۔
ھو پارے بلوچستان اَٹی بلو وختناس اے انسانی حقاتا خلاف ورزی مسونے اننا خلاف ورزی تا بنیات اے ھوریسا اقوام متحدہ اے بلوچستان اَٹی مداخلت کروہی اے و یورپی یونین اے پاکستانی پوج نا مدت اے بند کروہی اے۔
