بی این ایم ساؤتھ کوریا نا نیمہ آن بوسان شہر ئٹی بف اسکوائر نا ٹک آ اسہ برانز اس کننگا۔ دا برانز ئٹی بلوچستان آن جبر ئٹ بیگوائی و بلوچ زالبول آتا زی آ تشدد نا بر خلاف برانز کننگا۔ برانز نا مسخت ماہل بلوچ نا بیگوائی نا بر خلاف تینا برانز ءِ ریکارڈ کننگ اسک۔ برانزیک پلے کارڈ دوٹی کریسر اوفتا زی آ ماہل بلوچ نا جبر ئٹ بیگوائی و بلوچ آتا زورانسری بیگوائی نا رد ئٹ نعرہ نوشتہ اسک۔
برانزی تیٹی اوار سینزدہ سالی آ کورین زبان ئٹی تقریر کرے و بلوچستان ئٹی بندغی حق آتے لتاڑنگ و جہانی ایلم ءُ مہذب جہان نا بے تواری نا زی آ سوال بڑز کرے۔
بختاور بلوچ پارے ’’ ای مڈل اسکول نا خوانندہ سے اُٹ و نن اینو داڑے بلوچستان ئٹی برجاء پاکستانی لشکر نا دو آن بلوچ نسل کشی نا بر خلاف برانز کننگ اُن تانکہ نُمے بلوچ نسل کُشی نا بابت ئٹ خبر مرے ۔ نن کُل چانہ کہ پاکستانی لشکر تدوکا 75 سال آن بلوچ سرزمین بلوچستان نا زی آ قوضہ گیر ءِ بلوچ راج ءِ پاکستانی لشکر نا نیمہ آن خراب ءُ نسل کُشی سے مون تننگ تمنگ ءِ ۔ کنے افسوس تون پاروئی تمک کہ بلوچستان ئٹی 50 ہزار آن زیات شہری،دانشور،خوانندہ، انجینئرز ،ڈاکٹرز ،سْیاسی باسک ، رہشون و دا حد اسکان کہ زالبول آتے ہم پاکستان نا شیطان انگا لشکر جبرئٹ بیگواہ کننگ ءِ و داسا اسہ بلوچ زالبول اس ماہل بلوچ اسہ شہید ئسینا جنوزان و ارا چنکو مسڑ نا لُمہ ءِ ہرادے پاکستانی لشکر شام ئنا تہاری ٹی اُراغان بیگواہ کرے۔ پاکستانی لشکر ماہل بلوچ نا زی آ بے بنیاد الزام خلیسہ تشدد ہم کرے۔‘‘
نُمے نن پاننگ خوانہ کہ نن داڑے تفریح کننگ کے بتونن بلکہ دڑد ننے داڑسکان ہیسُنے ، تانکہ نن جُست کننگ کین کہ او کُل بندغ آک اراکہ انسانی حق آتا ہیت کیرہ ، اراوخت بلوچ آتا حق آتا زی آ برتو انتئے خاموش اُرے ؟ بلوچ آتا حق آک انسانی حق افس ؟ بلوچ آتے انتئے بےگواہ کننگ مریک ، اینو کنا ودی مننگ نا دے ءِ ای امر خوشی کننگ کیوہ ؟ بلوچستان ئٹی کنا عمر ئنا چُناک تینا لمہ و ایلم تیکن احتجاج کیرہ ، و انسانی حق آتا ادارہ آک اُفتے نظر انداز کیرہ ، نن خواست کینہ کہ ننتو ہمون کبو اراوڑ انسان تا حق ءِ ۔
او خواست کرے کہ دا کنا اسہ خواست ئسے ، کہ بلوچ آتا انسانی حق آتا برخلاف مروکا ظلم آتا برخلاف توار چست کننگ مرے ، خواست کینہ کہ پاکستان نا بلوچستان ئٹی انسانیت نا برخلاف جرم آتے آ توار بڑز کننگ مرے و اغوا و خلنگ ءِ سلیفنگ مرے ۔
برانز نا وخت آ بلوچ راج ئنا نسل کشی و جنگی جرم آتا باروئٹ بھلو کچ اسیٹی پمفلیٹ ونڈ کننگ مس ، برانز ئٹی پاکستانی فورسز نا دو آن بلوچ زالبول آتا اغوا و بلوچ راج آ مروکا ظلم آتا برخلاف ریلی کشنگ مس و نعرہ خلنگ مس۔
