شال: بلوچ نیشنل موومنٹ ( بی این ایم ) نا ترجمان تینا اسے بیان سیٹی پارے کہ پارٹی نا سینئر انگا رہنما و سیاسی قیدی ڈاکٹر دین محمد بلوچ نا جبرئٹ بیگواہیءِ چھاڑدہ سال پورہ مننگءِ بازنگا پروگرام تا اعلان کرینے۔
ھو پارے پارٹی نا چیئرمین پارٹی نا کُل زون و چیپٹراتے ہدایت تسونے کہ ھو دا موقعءِ بلوچستان ئٹی جبرئٹ بیگواہی نا معاملغاتے شنگ کیر و مونا ہتنگ کن تینا کوشست تاتے تیز کیر۔
بی این ایم نا مرکزی رہنما ڈاکٹر دین محمد بلوچ اے 28 جون 2009ء ئٹی پاکستان نا خفیہ ادارآک ھورناچ، خضدار ءِ ھونا ہسپتال اَن ارفنگ اَن پد بیگوا کننگیک۔ کُل زون و چیپٹراتے ہدایت کننگیک کہ ھو ڈاکٹر دین محمد بلوچ نا 14 سال نا جبرئٹ بیگواہیءِ جہان اے پاش کیر احتجاج ، ریفرنسز و پروگرام اڈ ایتر ھونا مورغن انگا جدوجہد و بندی مننگ نا پارسٹ بلوچ قوم و دنیاءِ سرپندی ایتر ۔
ھو پارے ڈاکٹر دین محمد اَسے آجوہی خوائوک ، دلیرو بندغ و تینا فرضءِ پورا کروک و غریب پرورو ڈاکٹر اَس مسونے ھو ہسپتال اَن ہموتم اغوا کننگانءِ ، ہموختا ھو تینا ڈیوٹی ئٹی مسونے۔ ھو بیگواہی نا خلاف سخت مزاحمت کیک ولے ہوڑے تشدد کننگیک ہودے ٹپی کننگیک و دننگیک۔ دا واقعہ نا گواہیءِ اموڑے مروکا بندغاک ایترا ھو پولیس و عدالت ئٹ تینا بیانتے ھم ایترا۔
ترجمان پارے ڈاکٹر دین محمد نا مَسِنک سمی و مھلب دین گدرینگوکا چھاڑدہ سال ان تینا جبرئٹ بیگوا مروکا باوا نا آجوہی کن احتجاج کننگ ٹی او۔اوفک تینا باوا نا خلاسی کن 2013ء ئٹی شال اَن کراچی و کراچی اَن اسلام آباد اِسکان دونیم ہزار کلومیٹر پیدل مارچ کرینو۔ھو عدالت و کمیشن اَتن الیس و داڑسکان پاکستان نا وزیراعظم سیتون ملاقات کریر یقین دہانی کننگ ان پد ھم تینا باوا نا بارسٹ ہچو معلوم داری سے ان سہی اففس۔ اوفتن دنیا نا مونا دا اِیت پاش مسونے کہ بلوچ قوم کن پاکستان نا عدالت آک و کمشن آک دنیا نا مونے دروغ گوئی کننگ کن جوڑ کننگانءُ داڑن بیدس کمیشن نا سربراہ و ذمہ داراک جبرئٹ بیگواہ کروکا بندغاتا وارثاتے تذلیل کننگ کن جوڑ کنگانءُ داِیتءِ بیگوا انگا بنداغاتءَ وارثاک باز وار پارینو۔
ھو پاریر بی این ایم ایلو پروگرام آتن بیدس سوشل میڈیا ئٹی #SaveDrDeenMohdBaloch نا ہیش ٹیگ کارمرز کننگ کن اَسے آن لائن مہم اَس چلائفک۔کُل آجوہی خوائوک آتن و بندغ دوست آتن اپیل کننگیک دا مہم ئٹی بشخ الیر۔
