بلوچ شہیدآتءَ دے آ بلوچ نیشنل موومنٹ ( بی این ایم ) نا کارکناک پُورا دنیا ٹی بازنگا پروگراماتءِ اڈ تننگ تون ھوار بلوچ شہیدآتءِ خراج تحسین پیش کرور۔ بی این ایم نا پیشن نا ملک ئٹی چیپٹراک و ملک نا ھنکین آک تینا پروگرام آتیٹی بلوچ تحریکءِ آجوہی نا ایجنڈا و بلوچستان ئٹی بندغی حقاتا حالیتءِ پیش کرور و مونا اتور۔ داڑن بیدس بلوچ شہیدآتءَ ویب سائٹ و سوشل میڈیا نا صفحات آتے آن لائن کمپین ہم چلائفینگیک۔ بی این ایم نا نیمہ اَن بلوچ شہیدآتءَ ویب سائٹ و ایکس ، فیس بک ، انسٹاگرام و ٹیلی گرام اکاؤنٹءِ یکم نومبر اَن الیس 13 نومبر اِسکان ہر دے بنیاتی انگا معلومات آتے شِنگ کروے۔
بی این ایم نا ترجمان پارے پاکستان بلوچ قومی تحریکءِ خلاس کننگ و بلوچ قومءِ آجوہی اَن محروم کننگ کِن ہزارآتا کچ ئٹ بلوچ آتے کسِفینءِ۔ دا دے ننا اُستءِ ہمو شہیدآتءَ قربانی آتے اتیک ہموکہ بلوچ قومی آجوہی کِن تینا جان آتے ندر کریر۔
ھو پارے 13 نومبر نا دے نہ کہ خالی ہمو شہیدآتءَ قربانی آتے مونا اتیک اموکہ ریاست بلوچستان نا آجوہی کِن برطانیہ نا حملہ آور آتا مقابلہءِ کریر بَلکِن دا اینو تاریخ ئٹی ہم راست مسونءِ۔ 13 نومبر 1839ء اے انگریزاک آزاد انگا ملک بلوچستان نا زیءِ قوضہ کریر و بلوچستان نا بادشاہ لال شہید محراب خان ءِ سنگت آتون ھوار شہید کریر۔ دا اولیکو دے اسکا داڑن پد انگریز سامراج بلوچستان نا زی آ قوضہ کرے و بلوچستانءِ ٹکرٹکرئٹی بشخاتہ۔اگہ 13 نومبر نا سانحہ مفروس تو اینو بلوچستان نا تاریخ پین وڑ مسکہ۔ داڑن موست بلوچستان اَسے ترقی یافتہءُ ملک اَس اَسکا ھونا انتظامی معاملغاک یکوہی پُوسکن انگا رنگءَ آتیٹی مونا بننگ ئٹی اسورا۔
بی این ایم نا ترجمان پارے اَسے قوم اَس ہم ایلو قومءِ غلام تخنگ کننگ کپپک۔ قوماتا نیام آ رشتہ غاک اَسِٹ ایلو تون خڑکی ، برابری و اَسِٹ ایلو نا آزادی نا احترام کننگ تون تفوکءُ۔ نوآبادیاتی انگا قوت آک ریاستی طاقت نا ذریعہ ئٹ قوماتءِ غلام تختورا بلکہ دا نظام بالادست و محکوم انگا قوماتءَ نیامءِ اَسے سافو لکھیر اَس کشارءَ۔ دُونکہ انگریز سامراج نا دورئٹی انگریزاک مقامی انگا بندغاتءِ و اوفتا ثقافتءِ تِینین کم تر سمجھارا اینو ہم دا نظام ئٹی محکوم انگا قوم آتے موسِٹ میکو درجہ نا شاری نا وڑئٹ ہورنگیک۔ ننا زبان آک و ثقافت ہم بالادست انگا قوم آتِیکِن مزاحمت کار نا وڑئٹیءُ اننا وجہ اَن ھو دافتَن نفرت کیرا و دافتے ختم کننگ کِن ہچو کَسر اَس اِلیتنءُ۔
ھو پارے پنجاب ئٹی بلوچ اسٹوڈنٹ آتون ریاست و عوام نا امو سلوک مننگ ئٹیءِ اموکہ بالادست انگا قوماتءَ نفسیات نا اَسے شگل اَسے بلوچ قوم نا خلاسی نا اَسِٹ انگا کسر بلوچ قوم نا قومی آجوہیءِ۔ دائنا خاطِر کِن قربانی تِننگ زلوریءِ ننے شہیدآتءَ نقشءِ قدم ئٹ مونی انویءِ تحریکءِ آجوہی نا سرسوبی کِن اَسے طاقت اَس جوڑ مرویءِ۔
