بلوچ نیشنل موومنٹ نا چئیرمین ڈاکٹر نسیم بلوچ سندھی قوم پرست رہشون سائیں جی ایم سید نا ١١٩ ویں ھونا ودی مننئگ نا دے ھا پارے کہ خاجہ جی ایم سید سندھی تون ھوار پورا علاقہ کن باز شرف مند و ہستی مسئونے۔ھو تینا علم وزانت و سیاسی تعلیم نا رد اٹ سندھی قوم و قوم پرستی اے ھسے سہب مند و کسر ھس شان تس- دا ہیت اٹ ہچ شک ھس اف کہ سندھی قوم اینو سیاسی شعور و آزادی نا جوزہ تون مونے بسئونے دا کل سائیں نا تعلیمات ھا تا وجہ اے۔ اننا خاطر ھن ھو سندھی تا اسے بے چکار و رہبر ھس مسئون اے۔ بلوچ ھاتون ھوار پورا علاقہ ھودے اینو شرف بشخیک۔
ھو پارے سندھی تا تہذیب ، سندھی تا سیکولر و صوفیانہ زندگی تدیفنگ و رسم رواج ھاک ھوفتے ھسے زندہ ھو قوم نا حیثیت اے تسئونے۔ پاکستان نا قوضہ کروکا ایلو قوم تا ڈول سندھی قوم نا ہزارھا سال نا تاریخ ، تہذیب و رسم رواج اے پاکستانی ریاست انتہا پرستی و مذہبی جنونیت نا نیمغ ھا دننئگ خوائک دا خاطران کہ ھوفتا تہذیب و ثقافت لوڑ مرے ھو تینا شناخت اے گیرام کیر- یقیناً محکوم و مظلوم اننگا قوم تا شناخت، روایت و دودو ربید نا خیال داری کننگ ھوفتا مزاحمت کننگ تون تفوک اے کہ ھو ھسے زندہ ھو قوم نا حیثیت اے تخیرا۔
چیرمین ڈاکٹرنسیم بلوچ پارے کہ سائیں جی ایم سید نا تعلیمات ، فکر و نظریہ نن کن مدام روشنا مروے۔امر کہ ھو سندھی قوم اے پوسکنا کسر تے شان تس ہمو جاگہ اے رسیفے کہ دا عمل ھن آزاد سندھودیش نا اینو بنیاد تخننگا۔نن ھسے غیر فطری و ریاست سے نا غلام ھن ھراڑے جمہوریت ، بندغ نا احترام و حق چائننگ پک۔ اقوام متحدہ نا منوکا حق آزادی کن جدوجہد کروکات اے بندی کننگ، سزا تننگ، بیگوا کننگ ، شہید کننگ ھن بیدس بلو بلو سزا تننگ اک۔اینو ہزار ھاتا کچ بلوچ ، سندھی و پشتون پاکستان نا بندی جاگہ تییا غیر انسانی زوارکی تا آماچ مننگ ھو ۔انن ہزارھاتے شہید کننگان اے۔ دا دیمونی تا مزل قومی آجوہی اے۔ ننئے دا دشمن نا خلاف ھسے جاغہ مروی اے۔
ھو پارے برطانیہ و ایلو مغربی طاقت آک نام نہاد اننگا مذہبی نظریہ نا خاطر کن تینا مفادات اے مونا دننئگ کن دا غیر فطری ریاست پاکستان نا بنیاد اے تخار ۔ دا نا مقابلہ اے بلوچ ،سندھی و پشتون آک ہزار ھا سالھا تا تاریخ ،ثقافت و تہذیب نا خواجہ او۔پاکستان ننے غلام تخننگ خوائک ننا قومی بقا و شناخت اے ختم کننگ خوائک۔ننا قوم اے کم تخنگ نا سازش اے کننگ اے۔
بی این ایم نا چیرمین پارے کہ سائیں جی ایم ۱۱۹ ویں ودی مننگ نا دے ھا ھودے خراج عقیدت ایتن ھا۔اور نن اننا عزم اے کینا۔کہ کل محکوم قوماک دا دشمن نا خلاف بش مریر۔اینو چین پاکستان اکنامک کوریڈور (سی پیک) منصوبہ نا شکل اے چین بلوچستان و سندھودیش نا وسائل تے دننئگ اے و افتا نسل کشی اے کننئگ اے۔دا جرم اٹ چین ھم شریکدار اے ۔ نن بحیثیت قوم اینو بازنگا چیلنج ھاتون مون پہ مون اون۔ اننافتا مقابلہ اے کننگ کن ننے قوم پرستی نا جذبہ تون ھوار مزاحمت نا پڑآ بروی اے و منظم او طریقہ سے ھا مقابلہ کروی اے۔
