بلجم : بلوچ راجی زْرمبشت ( بی این ایم ) نیدر لینڈ تک ءِ کارگشاد دیدگ ، عبدالواحد ، رقیہ ءُ عمران حکیم ءَ بلجم ءَ گل ءِ جھگیری ءَ پشتون راجی جرگہ ءَ بھر زرتگ۔
اے درگت ءَ دیدگ ءَ گْوشتگ بلوچ ءُ پشتون راج گْوستانک ، زمین ءُ ربیدگی رد ءَ گوں یک دومی ءَ ھمگرنچ اَنت ءُ دوئیں راج یک گْونگیں زوراکیں تْرام ءُ زوراکیانی دیمپان اَنت۔
آئی ءَ گْوشتگ بلوچ راج ءِ وڑ ءَ پشتون ھم مھترھندی زوراکی ، زور بیگواھی ، در آمیدگسی کوش ءُ مڈیانی لٹ ءُ پل رنگیں زوراکیانی آماچ اِنت۔مئے سر ءَ انچیں مھترھندے ’ زورگر ‘ اِنت کہ آ چہ مئے پت ءُ پیرکاں ھم کستر اِنت۔
بی این ایم ءِ جھگیر ءَ گْوشتگ راجی زْرمبشتانی سوبمندی یکجھتی ، دیمونی ءُ گھگیری ءِ تہ ءَ اِنت۔ بلوچ راجی زْرمبشت مدام چیردستیں راجانی کش ءَ اوشتاتگ ءُ پشتون راج ءِ جھد ءَ آیانی ھمراہ اِنت۔اے باریگ ءِ پرارزشتیں لوٹ اِنت کہ ما وتی دژمن ءِ دیم ءَ ھم سنت بہ بہ ایں داں لٹ ءُ پل ءِ بگیری ءَ سیتمندیں گھگیری بیت بہ کنت۔
دیدگ ءَ پشتون راجی جرگہ ءِ برجم داروکانی منت گپتگ ءُ اے اوست درشانتگ کہ بلوچ ءُ پشتون راج پہ وتی آجوئی ءُ اگبالاں پجیگ ءَ شوندات ٹاھین اَنت۔
