ماں بلوچستان ءَ جوھری سلاھانی چکاس ءِ بدیں سان

28 مئی 1998 گْوستانک ءِ سیاھیں روچ اِنت۔

28 مئی 1998ء ءَ پاکستان ءَ بلوچستان ءِ ھند راس کوہ ءَ جوھری سلاہ چکاس اتگ، چہ ایشی ءَ آ ھند ءِ درچک ءُ دار ، ساھدار ءُ مردمانی سر ءَ بدیں سان کپتگ۔

اے تاوان دئیں ویل ءَ بازیں دھک گْوزگ ءَ پد ھم اے چار ءُ ٹپاس نہ بیتگ کہ چہ اے چکاساں دمگ ءِ سر ءَ چینکس تابکاری سان کپتگ، پمیشکا دنیگت تاوان ءِ کچ زانگ نہ بیتگ۔

بی این ایم اے روچ ءَ سیاھیں روچ لیک ایت ءُ میان استمانی تک ءَ جوھری سلاھانی آسرینگ ءِ باوست ءِ سرجمی ءَ پلہ مرزی کنت۔ باندات ءَ چوشیں زوراکیں کارپدانی دارگ ءُ درسیں ساھدارانی پھریزگ ءُ گھبود ءِ الم کنگ ءَ مادنیں گامگیج لوٹ ایت۔

اے رد ءَ رسانکدری باوست ءَ بھر بہ زیر اِت ءُ جھل ءِ ھیش ٹیگ ءَ کارمرد کن اِت:

#NukeAftermathInBalochistan