بلوچ راجی زْرمبشت ( بی این ایم ) زور بیگواھیانی جیڑہ ءِ سر ءَ ماں جنیوا ءَ بیوکیں یکمی جھانی پتر ءَ بھر زیر ایت۔اے پتر 15 ءَ بہ گر داں 16 جنوری 2025 ءَ بیت۔ اے مچی ءِ میان ءَ گدانے جنگ بیت کہ آئی ءِ تہ ءَ اکسانی نمائش ءِ پارست ءَ ماں زورگپتیں بلوچستان ءَ پاکستانی لشکر ءِ دست ءَ زور بیگواھیں مردمانی بارہ ءَ سرپدی دیگ بیت۔
بی این ایم ءِ جھگیر نند ءُ نیادانی تہ ءَ ھم بھر زیر اَنت ، آ اود ءَ زور بیگواھیانی آماچ بیتگیں مردم ءُ آیانی کھولانی مارشتاں درشان اَنت ، پہ مزدانک ءُ زور بیگواھی ءِ گر ءُ دار ءَ توار چست کن اَنت۔
اے پتر گوں ’ زور بیگواھیانی بگیری ءِ کنونشن (سی ای ڈی آئی )، راجانی سنت ءِ زور بیگواھیانی پتر (سی ای ڈی) ، زور یا پہ نادلکشی بیگواھیانی سر ءَ راجانی سنت ءِ کاربولک (وی جی ای آئی ڈی) ءُ راجانی سنت ءِ مردمی اگبالانی کارگس ( او ایچ سی ایچ آر) ‘ ءِ ھمکاری ءُ ھمدستی ءَ برجم دارگ بیگ ءَ اِنت۔
جارکش ، بلوچ راجی زْرمبشت ( بی این ایم )
آدینگ ، 3 جنوری ، 2025 | بن شون : PR02/2025
