بلوچستان جیڑہ ءِ سھرا کنگ ءُ بلوچستان ءَ برجاھیں مردمی اگبالانی بگیریانی نیمگ ءَ دلگوش ءِ پرینگ ءَ چہ بلوچ راجی زْرمبشت (بی این ایم) برتانیا تک ءِ نیمگ ءَ آگاھی باوست داں لیڈز ءَ تالان کنگ بیتگ ، آ اود ءَ پہ ھم دلی ءِ درشان ءَ بی این ایم ءِ باسک ءُ پلہ مرز یکجا بیتگ اَنت۔
ماں اے باوست ءَ گوں بلوچ راج ءَ بیوکیں ناروائیانی سر ءَ گپ جنگ ءُ اے گْوشگ بیتگ کہ چہ میان استمان ءِ نیمگ ءَ بلوچستان ءِ جیڑہ ءِ تہ ءَ زیت دزمانجنی کنگ بہ بیت۔دیم ءِ پدانک ءَ کیمبرج ءُ دگہ شھراں ھم باوست کنگ بیت۔
اے باوست ءِ میان ءَ بی این ا یم ءِ باسک ءُ پلہ مرزاں بلوچ راج ءِ سر ءَ بیوکیں زوراکیانی سر ءَ گپ جتگ، اے باوست ءِ مول میان استمانی تک ءَ پلہ مرز ءُ ھم پت درگیجگ اِنت ، اے باوست آیوکیں روچاں ھم برجاہ بیت۔