شال: بلوچ راجی زْرمبشت ( بی این ایم) ءِ جارکش ءَ وتی درشان ءَ گْوشتگ چہ گْوستگیں ھپتگ ءَ ماں کوھلو ءَ پاکستانی لشکر ءِ بیڑ برجاہ اَنت۔پاکستانی لشکر زانگ نہ بیتگیں نشانگانی سر ءَ آزمانی ءُ زمنی ارش کنگ ءَ اِنت چہ ایشی ءَ مرک ءُ میر ءِ ھال اِنت۔
آئی ءَ گْوشتگ دمگ ءَ رسانک نہ بیگ ءِ پد ءَ جاورانی بارہ ءَ سرپدی رسگ ءَ نہ اِنت بلے ھندی رسانکدر ءَ اے گپ راست لیک اتگ کہ 26 نومبر ءِ شپ ءَ کوھلو ءِ ھند سیاہ کوہ ءَ میتگے بن دیگ بیتگ۔لشکر کشی ءِ میان ءَ چک ءُ جنینانی پجیگ ءَ مزنیں کچے ءَ مردم دزگیر کنگ ءَ پد زور بیگواہ کنگ بیتگ اَنت۔
’’ پاکستانی لشکر ءِ گوں مردماں رھوتی تک ءَ نو کس ءِ کوش ءُ سئے ءِ دزگیری ءِ ٹاپار جتگ کہ آیانی پجار سھرا کنگ نہ بیتگ اَنت۔‘‘
لکانی مردم بدڈولیں گزرانکی ءُ چاگردی ناگیگیانی آماچ بیگ ءَ پد زھنی نادراہ جوڑ بیتگ اَنت کہ آیاں مردمی بنیاد ءَ چہ زیت ءَ زیت کمک پکار اِنت۔
جارکش ءَ گْوشتگ سارتیں موسم ءَ مردمانی لوگ بند دیگ ءُ دھاں کھول وتی جند ءِ سرڈگار ءَ ناباوریں جاوراں بے لوگ کنگ بیتگ کہ مردمانی اگبالانی سنگینیں رنگے ءَ لپاشگ اِنت۔مردمی اگبالانی تْرامینک بلوچستان ءَ مردمی اگبالانی لگتمالی نیمگ ءَ دلگوش بہ کن اَنت اد ءَ مردمی جیڑہ ودی بیتگ۔
آئی ءَ گْوشتگ بلوچستان ءِ مردمانی گیشتریں بھر کوچگاں نندوک اِنت کہ آنگو پاکستانی لشکر ءَ وتی یکشلیں زوراکیانی پارست ءَ مردم ماں ڈیھ ءُ درانڈیھ ءَ لڈگ ءَ لاچار کرتگ اَنت۔چہ ایشی ءَ لکانی مردم بدڈولیں گزرانکی ءُ چاگردی ناگیگیانی آماچ بیگ ءَ پد زھنی نادراہ جوڑ بیتگ اَنت کہ آیاں مردمی بنیاد ءَ چہ زیت ءَ زیت کمک پکار اِنت۔