شھید ماسٹر ابدل ھالک بی این ایم ءِ باسک اَت ءُ گل ءِ سوج ءُ شونداتانی رد ءَ چاگردی ءُ سیاسی کار کنگ ءَ اَت۔پرایمن ءُ دست ءُ گوشیں راجدوستیں باسک پاکستانی لشکر ءَ کشتگ۔
ماسٹر ابدل ھالک ء دوست مھمد چیری مالار آواران ءِ نندوک اَت۔پارٹی آئین ءِ رد ءَ لھتے ماھاں دوزواہ بیگ ءَ پد سال 2018 ءَ آ تچکے ءَ گل ءِ باسک کنگ بوت۔
آ بلوچ آجوئی ءِ زْرمبشت ءِ راستیں دوزواہ ءُ جھدکارے ءِ بستار ءَ گوں آجوئی ءِ جھد ءَ بندوکیں ھمبلانی کمک ءَ گون اَت۔آ ماں مالار ءَ وتی ڈگارانی سر ءَ کار ءَ اَت کہ پاکستانی لشکر ءَ نشانگ کرت ، آ 13 اگست 2024 ءَ شھید بیتگ۔
بلوچ راجی زْرمبشت ( بی این ایم ) آئی ءَ ستک ءُ ستا درشان ایت۔ آ گوں بلوچ ءِ آجوئی ءِ زْرمبشت ءَ بندوک اَت پمیشکا بی این ایم آئی ءَ بلوچ آجوئی زْرمبشت ءِ شھید لیک ایت۔
بلوچ راجی زْرمبشت ( بی این ایم )