پاکستان نا حاکم آتے سمجھ بننگ اف کہ بلوچاتے امر خلیو کہ اوفک تینا آجوئی نا جہد آن پدی مریر۔اننا ہندا سوب آن تینا چم تے ہردے بدل کننگ ءُ ۔اوفک دا ایتءِ سمجھانو کہ افغانستان ئٹی رجیم نا بدل مننگ آن پاکستان اے فائدہ رسینگتنے۔بلوچاک تینا دشمن تے زیات کننگ آن بیدس تینا آجوئی کن اسہ جاگہ مریر و کوشست کیر۔
دا ہیت آتے بلوچ نیشنل موومنٹ نا کارکن اتوں جھدکارنی پتر (کارکن آتا دیوان ) ماہانہ دیوان یٹی پارٹی نا چیرمین ڈاکٹر نسیم بلوچ و سیکریٹری جنرل دل مراد بلوچ تینا خطاب ئٹی کریر۔
ارا گھنٹہ نا دیوان ئٹی پارٹی نا سینئر وائس چیرمین ڈاکٹر جلال بلوچ پارٹی نا تربیتی دیوان آتا بابت ئٹ کارکن آتے پارے کہ پارٹی نا جہی آ ادارہ یونٹ آن ہلیس مرکز اِسکان پارٹی کارکن آک تعلیم و تربیت نا منصوبہ بندیءِ جوڑ کرینو ۔نصاب سازی نا کاریمءِ شروع کننگانے ۔اولی وار تون پنچ کتاب تیار مسونو۔ایلو کتاب آک زو شینک مرور۔او پارے کارکن آک کیپسٹی بلڈنگ نا پروگرام و آینی ذمہ واری تے مون تننگ نا کاریم تیٹی اوار اریر۔
پروگرام نا گڈی کو حصہ ٹی سوال و جواب ،تنقید نا سیشن ئٹی کارکناک تنظیمی امور و پارٹی نا مون آ دننگ کن تینا صلاح سوج آتے تسُر، سوال ہم کریر ، اوفتا جواب آتے پارٹی نا چیرمین، سیکریٹری جنرل، وائس چیرمین و انفارمیشن سیکریٹری تسر۔
دیوان ئٹی کارکناتے دا ہیتءِ ہم پاننگا کہ پارٹی نا پروگرامءِ مونی دننگ کن ہم خیال آ ادارہ تیتوں اواری ٹی کاریم کروی ءِ و سوشل میڈیا ٹی پارٹی نا پروگرام ءِ بندغاتے سر کننگ کن تینا بشخ اوار کروئیءِ ۔
« نن منظم مسون اُن ہندا سوب آن پاکستان ننا خلاف زیات طاقت کارمرز کننگءِ ۔ڈاکٹر نسیم بلوچ »
چیرمین ڈاکٹر نسیم بلوچ علاقائی و راجی حالیت نا زی آ ہیت کریسہ پارے بلوچستان نا و افغانستان نا اسہ تاریخی ءُ سْیالی اس مسونے۔ہر وخت کہ افغان راج ئنا نا زی آ مشکل اس بسونے اوفک بلوچستان نا نیمہ آ بسونو اینو اگاں بلوچ نا زی آ مصیبت اس بسونے اینو افغانستان ئٹی پناہ ہلکونو ، ننا دا سْیالی تاریخ نا بشخ اس جوڑ مسونے۔ پاکستان ہندا خیال کریس اس کہ افغانستان ٹی مداخلت کننگ آن رجیم بدل مننگ آن اوڑے بلوچ نا مخالف حکومت اس جوڑ مروءِ ولے افغانستان ئٹی رجیم بدل مننگ آن پد ہم حالیت او وڑ متو کہ پاکستان نا خواست اسک بلکہ افغانستان نا پاکستان تون تعلق آک گیشتر خراب مسُر۔
دشمنءِ سمجھ بننگ اف بلوچ و بلوچستان توں امرو وڑ اس کننگءِ ۔
ڈاکٹر نسیم
اوفک مونی پاریر کہ 2014 نا سیشن ئٹی بی این ایم نا مرکزی کونسلرآک دا فیصلہءِ کریر کہ بی این ایم تینا مُچ طاقت ءِ پاکستان نا قوضہ نا بر خلاف بلوچستان نا آجوئی کن کارمرز کرو جنگ آتے تینے پہریز کروئیءِ ۔ننے تینا دشمن تے زیات کروی اف۔اِرا گام مونی ہننگ کن زندہ مروی ءِ ۔بلوچ مہاجرین آک سختو حالت سے نا مقابلہءِ کننگءُ اوفتا حوصلہ آک برز ءُ ۔
اوفتا نا پاننگءِ نن منظم مسونو ہندا سوب آن پاکستان ننا خلاف زیات طاقت خرچ کریسہ ظلم کننگءِ ۔ دشمنءِ سمجھ بننگ اف بلوچ و بلوچستان توں امرو وڑ اس کننگءِ ۔
پارٹی کارکن آتے بلوچ آجوئی خواہوک آ ایلو پارٹی تیتوں اتحاد اشتراک نا عملءِ مون آ دننگ کن زور تریسہ پارے ماضی ٹی بلوچ آجوئی خواہوک انگا قوت آتوں اتحاد و اشتراک نا عمل کوشست اس مسونے۔ پارٹی نا نیمہ آن اسہ کمیٹی اس ہم جوڑ کننگ آ ۔ہندا سوب آن کوشست ہم کننگانے کہ دا عمل مون مستی ہنو۔ ارا ہم خیال آ تنظیم نن توں اواری ٹی کاریم کننگ خواہک نن اودے خوش آمدید پانا۔ دا حوالہ ٹی بازنگا پارٹی توں ہیت مریسہءِ دا ہیت مونی دننگ اُن ۔
« جہد آزادی نا بیست سال نا تسلسل بلو سوبمندی ھسے۔دل مراد بلوچ »
بی این ایم نا سیکریٹری جنرل دل مراد بلوچ پائک افغانستان بلوچ نا ھسے جوھانو ہمسایہ ھس مسہون اے۔ بھٹو نا زمانہ ھن الیس اینو اسکان پاکستان افغانستان ھٹی مداخلت کریسہ اے۔ دا مداخلت چِل سال ھن زیات وخت ناسےمریسہ اے، اننا وجہ ھن افغانستان اینو پورا تباہ مسہون اے۔ارا وختءِ کہ پاکستان جوڑ مس ھمو وختءِ پاکستان نا حکمراناتءِ دا سما مس کہ بلوچ و پشتوناک پاکستان نا قوضہ اے منیپسہ۔ پشتون قوم اے قابو کننگ کن اوڑے مذھبی گل آتے ہڈ تس و راہیی کرے اوڑن بیدس بلوچستانءِ پاکستانی فوج نا حوالہ اٹ تس۔ داھم پاکستان نا ھوست اسکاءَ کہ افغانستان ءِ پاکستان نا پنچمیکو صوبہ جوڑ کے۔ افغانستان نا داسنا سرکار نا بدلی ھن اونا ھوست اننا اسکاءَ کہ بلوچاتےکن زمینءِ تنگ کننگ اے۔ ولے انون داسنا افغان حکومت ھم ھسے قوم دوست رنگءَ سے اٹ مون آ بس اودے پاکستان نا مفاداتات ھن بیدس افغان قوم نا مفادات آک دوست اسور۔
بندغ کہیک، دم درینگک، سودا بازی کننگ کیک، تینا موقف ھن پد سلنگ کیک ولے ادارہ تینا سفراے مون مستی دریسا کاہک۔
دل مراد
ھو پارے دا واری بلوچ نا تحریک 20 سالءِ پورا کرینے ۔ دادے ختم کننگ کن پاکستان تینا ظلم کننگ نا آخیری زورے خلکن اے پدا ھم بے سوب مسہون اے ۔ بی ایس او آ اعلانیہ و بی این ایم آ غیر اعلانیہ پابندی خلکن اے۔ ہزارھاتءَ کچ ھٹی بلوچ آک بےگوا او و ہزارھاتءِ شہید کننگانءِ۔ ننا قومی ادارہ آتءَ وجہ ھن دا تحریک اینو اسکان برجاءِ۔ داسہ دا تحریک ھسے بندغ سے نا تحریک اف بلکہ پورا ادارہ آتءَ شکل اٹ منظم اے۔ بندغ کہیک، دم درینگک، سودا بازی کننگ کیک، تینا موقف ھن پد سلنگ کیک ولے ادارہ تینا سفراے مون مستی دریسا کاہک۔ اینو نا دا تحریک نا پورا سرسوبی پارٹی تا ادارہ آتءِ کاہک۔
ھو پائک نن ھسے باز مرغن او وختءَ سیناسے تینا حکمت عملی تے بدلیفسہ بننگ اون بلے تینا پارٹی پروگرام ٹی ہچ وڑ بدلی کتن اون اننا جدوجہد نا وجہ ھن پاکستانءِ مجبور کرین اون ھو تینا پالیسی تے بدل کے۔پاکستان نا حکمران آک ہمو جاگہ اے رسینگان او کہ ھو تینا دا پالیست تون مونا اے ھننگ کپپسہ ۔پاکستان نا حکمران و فوجی افسراک موست جبرھٹ بیگوا کروک اِنگا بندغاتن انکاری اسورھا ولے داسا دا ایتءِ مننگ کن تیار او کہ ریاستءِ پاکستانءِ برجا تِخن کن بلوچستان نا بندغاتءِ نن بیگوا کرین اون۔
