لندن : بلوچ نیشنل موومنٹ یو کے چیپٹر شہدائے مرگاپ نا یاد ھٹ اَسے آن لائن ریفرینس اَس اڈ تنینگا۔ریفرینس نا آغاز شہیداتا یادھٹ اِرا منٹ چُپی ھن شروع مَس ۔
اجلاس نا صدارت یو کے چیپٹر نا صدر منظور بلوچ کرے۔مہمان خاص نیدرلینڈز چیپٹر ھن بی این ایم نا سینئر رہنماء ماسٹر عبدالغنی و اعزازی مہمان بی این ایم نا مرکزی جونیئر جوائنٹ سیکرٹری حسن دوست بلوچ اسور۔ اننا وڑ پروگرام نا اسٹیج نا ذمہ واری اے کفایت اللہ بلوچ کننگ ھٹی اسَکا۔
سنگت آک تینا خطاب تیٹی شہدائے مرگاپ نا شہیداتے سرخ سلام پیش کریر ھو پاریر شہید غلام محمد بلوچ ہمو اسِٹنگا لیڈر اَس کہ ھو بلوچ قومی تحریک اے اَسے صافو وژن اَس تِس۔دا آجوہی نا پاک و صاف انگا وژن اے کہ دادے 20 سال ھن زیات وخت مسون اے و دا تینا منزل نا کنڈا دے پہ دے ھن تیزی ھٹ انیسا اے۔
ھو پاریر ہرا وخت اے دشمن سیاسی ورکرتے بیگوا کننگ و پدا بغیر اَسے وجہ سے ھن بلوچ نوجوان ، بزرگ و زالبول تا چیروکا جونتے بٹنگ نا سلسلہ اے شروع کریسوس ھونا دا اندازہ غلط اسککہ کہ ھو آجوہی نا دا تحریک اے تینا ظلم و جبرھٹ و کسفنگ و بیگواہی ھٹ تورنگ کیک ، دا ھونا خام خیالی اَس ۔اینو انو وڑ سیٹی بلوچ نوجوان آک ھوڑتون مون پہ مون مسون ھو داڑن موست اِچ دون مَتن اے۔
ھو پاریر اینو ننا ذمہ واریک زیات مسون او انتیکہ ننا تعلق انو پاٹی سین اے ہمو کہ شہیدآتا میراث اے ۔شہیداک ہمو سوچ و فکر اے نن کِن الان او ھوفتا فلسفہ اے سیاست و آجوہی نا فکر اے عملیو شکل اَس تننگ و منزل اے سرکننگ ننا ذمہ واری اے۔شہیداک اَسے قومی و امانت اَس ننے تسور تینٹ وطن کِن تینے قربان کریر و ہمیشہ کن ننا اوست آتیٹی زندہ او۔بلے شہیداک اینو بدنی حوالہ تیٹی ننا نیامٹی اَف اَس ولے ھوفتا تروکا فکر و آجوہی و فلسفہ ہر سیاسی ورکر تون اریر دا ایت اے ننا ایمان و یقین اے کہ سوچ و فکر اے موت ہچ وڑسیٹ بفک۔شہید غلام محمد بلوچ و ایلو شہیداک تنکِن دنیا ارے زندہ او۔ ھونا مثال دادے کہ اینو ھوفتا شہادت نا دے اے کل دنیا ٹی جوزہ و احترام ھٹ اوفتے یاد کننگ اون و دا وعدہ ہم کننگان اے کہ شہیداتا تروکا فلسفہ اے آجوہی اے منزل رسیفنگ کِن ہچو مشکل سے ھن پدی مفرون۔ھو دیک مور اف اَس کہ سیاسی ورکرآتا جہد و شہید آتا دِتر تن بلوچ سرزمین باز زوت اَس اَسے خوشالو ملک اَس جوڑ مروے۔
سنگت آک تینا خطاب تیٹی ماھل بلوچ نا زی آ دروغ نا کیس ھٹ دستگیری نا سخت انگا الفاظ تیٹ مذمت اے کریر۔
ھو پاریر دشمن نا کنڈ ھن دا اولیکو واقعہ اف اَک۔داڑن موست ہم بازنگا پوجی حملہ تیٹ بلوچ زالبول تے شہید کننگان اے۔ دروغ نا مقدمہ آتیٹی ننا لمہ و ایڑتے میڈیا ٹی اسلحہ و بارود آتون پیش کرین او ولے دروغ نا دا مقدمہ تیٹی اینو اسکان ہچس ثابت کننگ کتتن او ۔
