جنیوا ۔ اقوام متحدہ نا انسانی حقوق کونسل نا 57 می اجلاس نا وختءِ بلوچ نیشنل موومنٹ ( بی این ایم ) نا احتجاج اَن خطاب کریسہ ، کنگز کالج لندن نا دانشور و پی ایچ ڈی نا امیدوار جعفر مرزا دنیا اَن خواست کرے و پارے کہ پاکستان ئٹی جبرئٹ بیگواہی تے زوتس بند کننگءِ۔
ھو بی این ایم نا احتجاج ئٹی بشخ اَلک و پارے کہ پاکستان بلوچستان ئٹی بلوچ قوم نا وسائل آتے دننگ ئٹیءِ و بندغ آتا بُنکی انسانی حق آتا خلاف ورزیءِ کننگ ئٹیءِ۔
ھو پارے ریاست نا تشدد و ظلم و زوراکی کننگ اَن بلوچ قوم زیات زور و طاقت اَرفِک۔
ھو پارے بلوچستان نا مسلئہ تچک و راستءِ دا بُنکی حقوق ، انسانی وقار و بلوچ قوم نا شناخت نا معاملہءِ ۔ جبر ئٹ بیگواہی تا خلاف مہم عالمی سطغءَ زور الِنگ ئٹیءِ ، و پاکستانءِ داسہ فیصلہ کروی تمیک کہ ھو جائز انگا شکایست آتے مُر کننگ نا نیمغءِ دے۔
ھو پاکستان نا ریاستءِ زور تِس و پارے کہ ھو دا مسلئہ آتے زوتس تَوجُو ایتے ، ھو خبر دار کریسہ پارے کہ دُون نہ کننگ اَن بے سوبی کُل آتیکِن بَلُو تاوان ئس مریک۔
