پنجگور : بلوچ نیشنل موومنٹ نا محکمہ سماجی بہبود تینا رپوٹ ئٹی بازانگا مسلہ آتے پاش کرینءِ ضلعءِ پنجگور نا تحصیل گچک نا 16 اسکول آک پورا بندءُ و اَسے اسکول سیئہ پوج قوضہ کرینءِ و تینا چوکی جوڑ کرین ہئتا۔
بلوچ نیشنل موومنٹ دا رپوٹ نا حوالہ ئٹ عالمی برادری اَن اپیل کرینءِ کہ ھو دا خطرناک انگا حالیت نا نوٹسءِ الے و بلوچستان نا مخلوکءِ بنیاتی انگا سہولت آتن زبہر کننگ کِن پاکستان نا حکومت ئٹی تُولوکا بندغ آتن حساب الے و بلوچ مخلوکءِ دا زالمی اَن بچائفنگ کِن تینا کردارءِ ادا کے۔
بی این ایم نا محکمہ سماجی بہبود بلوچستان نا مخلوک نا معاشی و سماجی معاملغاتے خُورتی ئٹ ہورِک و تینا رپوٹ آتے جوڑکیک تینا وسائل آتے کارمرز کیک کہ دافتیکِن کسر اَس کشءِ۔ بلوچستان ئٹی تعلیم نا خدشہ آتن پُر انگا حالیت آتا زی آ بی این ایم نا محکمہ سماجی بہبود نا تحقیقات کروکا رپوٹ آتا سلسلہ اَسے۔ دا ہمو رپوٹ آتا سلسلہ نا چارمیکو رپوٹءِ داڑن مُوست بی این ایم نا محکمہ سماجی بہبود آواران ، مشکے و جاھو و خضدار نا تحصیل ھورناچ و نال نا بند انگا اسکول آتا فہرست آتے جوڑ کرینءِ و رپوٹ آتے شِنگ کرینءِ ۔ مُوست ئنا رپوٹ نا مطابق ئٹ مشکے و آواران ئٹی 76 ، جاھو ئٹی 25 , ھورناچ و نال ئٹی 19 اسکول آک بند مننگ نا وجہ اَن دا علاقہ نا چُناک بنیاتی انگا تعلیم اَن محروم کننگانءُ۔
بی این ایم نا جوڑکروکا رپوٹ نا مطابق ئٹ بلوچستان نا اننا ذکر کروکا ہفت انگا تحصیل آتا 137 اسکول آک بندءُ ارافتیٹی زیات پرائمری اسکول آکءُ دا اَسے بلُو علاقہ سیٹی چُناتے بنیاتی انگا تعلیم اَن زبہر کننگانءِ۔
داسنا رپوٹ نا مطابقءِ ضلعءِ پنجگور نا تحصیل گچک نا پانزدہ اسکول آک ، اَسے مڈل و اَسے ہائی اسکول ئس پورا بندءُ و ہودے ہچو وڑسینا تعلیم اَس مننگ ئٹی اَف۔
رپوٹ نا مطابق ئٹ، پرائمری اسکول چِب گچک محمد بازار ، پرائمری اسکول جونتاک گچک دوست محمد بازار ، پرائمری اسکول لوھڑی مولا بخش بازار ، پرائمری اسکول کرکے ڈل ملا فیض محمد بازار ، پرائمری اسکول کاشان آپ ، پرائمری اسکول کھن ، پرائمری اسکول رحمت اللہ بازار کلری ، پرائمری اسکول چیئرمین اسلم بازار ، مڈل اسکول محمد جان بازار سیاہ دمب ، پرائمری اسکول بازید بازار دراکوپ ، پرائمری اسکول عبدالصمد بازار دملی تحصیل ، پرائمری اسکول حاجی سنجر بازار سرگوز ، پرائمری اسکول سوفی امیر بخش بازار سِلاری ، پرائمری اسکول ڈاکٹر رسول بخش بازار سرگوز ، پرائمری اسکول میر ابراھیم بازار پرپُکی ، پرائمری اسکول جما دار جورک بازار آسکان چب بندءُ داڑن بیدس ہائی اسکول کھن نا زی آ پاکستان نا پوج قوضہ کرینءِ و ہودے تینا چوکی جوڑ کرینءِ۔
