بلوچ نیشنل موومنٹ ( بی این ایم ) نا انسانی حق آتا ادارہ ’’ پانک ‘‘ دسمبر 2024 ئٹی بلوچستانءِ انسانی حق آتا مروکا خلاف ورزی تا رپوٹءِ سرجمی ئٹ شِنگ کرینءِ۔ رپوٹ نا مطابق ئٹ پاکستان نا فورسز آک 22 بندغ آتے جبرئٹ بیگواءَ و پنچءِ بغیرس عدالت سینا پاننگ اَن کسِفینءِ۔
رپوٹ ئٹ پاننگانءِ کہ دا بیگوائیک شش ضلع غاتیٹی مسہونءُ ، کُل اَن زیات کیچ ئٹ 10 بندغ ، گوادر اَن 6 , ڈیرہ بگٹی اَن 2 , خاران اَن 1 , و حب اَن 1 بندغ ئس پاکستان نا پوج و ہوڑتون ھوار انگاءَ ادارغاک بغیرس قانود سیہن جبرئٹ بیگواءَ کرینءُ۔
پانک نا پارغ اَن دا ہم پاننگانءِ کہ جبرئٹ بیگواءَ مروکاتہ کَچ داڑن زیات مننگ کیک انتیکہ متاثر مروکاتہ بندغ آک باز وخت خولیس اَن چُپ مریرا۔جبرئٹ بیگوائیک بازنگاءَ خاندان آتے نفسیات نا مرض ئٹ شاغانءُ ، انتیکہ انصاف یا ریاست اَن سوج الِنگ نا ہچُو کَسر ئس ہف۔
رپوٹ نا مطابق ئٹ پاکستان نا پوج پنچ بندغ آتے بغیرس عدالت سینا پاننگ اَن کسِفینءِ۔ کیچ ئٹی نوید حمید و ظریف عمر کسِفنگانءُ اندون پاکستانی پوج نا پنچگور ئٹی ڈرون جُلہو سیہن عبدالحمید ، ذاکر و دل جان شہید کننگانءُ۔
پانک انسانی حق آتا خلاف ورزیءِ بین الاقوامی حوالہ ئٹ تورنگ و داڑے زوتس ہوار تممنگ نا خواستءِ کیک۔
