شال: انسانی حق تا ادارہ پانک ( بی این ایم ) نا ماہانہ رپوٹ آٹی جنوری اے پاکستان نا فورسزآک بلوچستان آٹی 41 بندغ اے جبرہٹی بےگواہ کننگان اے۔اوفتِیٹی18 طالب علم و ھسے صحافی ھس ھوار اے۔دافتیٹی14 جبری بے گواہ کروکینگا بندغاک سخت بدنی و ذہنی تکلیف آن پد پاکستانی پوج نا ٹارچر سیل آتن یلہ کننگان ھو۔
پانک نا پاننگ اے دسمبر 2022 و جنوری 2023 اے بلوچستان آٹی عدالت آتا خلاف کسفنگ و جبرہٹی بے گواہ کروکننگ واقعاتاتیٹی باز ضیاتی خننگان اے۔
پانک نا نیمغ اَن جاری مروک آ رپوٹ اَٹی اننا پاننگان اے کہ داوڑآک عدالت نا خلاف کسفنگ و جبرہٹی بے گواہ کننگ اقوام متحدہ نا کنونشنز نا پورہ خلاف ورزی اے۔
زند و اذیت اَن آجوہی نا حق بازنگا جہانی معاہدغاتیٹی ھوار ھو،بشمول جہانی حقاتا جہانی اعلامیہ،شاری و سیاسی حقاتا جہانی معاہدغاک، تشدد و ایلو ظلماک، غیر انسانی یا تذلیل آک و سزا نا خلاف کنونشن۔
رپوٹ آٹی انا پاننگان اے جبرہٹ بے گواہ کروک و ظلم نا جہانی سطغا مذمت کننگان اے و جہانی قانودٹی دادے منع کننگان اے داڑن باوجود بلوچستان اٹی جبر نا قوضہ اے برقرار تخنگ کِن استعمال مننگ ھو۔
پانک اننا مطالبہ اے کیک کہ جہانی برادری پاکستان اے جواب دہ کے و انسانی حقاتا حفاظت اے یقینی کننگ کِن کاروائی کے۔ اقوام متحدہ و ایلو جہانی تنظیماتےمظلوماتا حفاظت کننگ کِن کاریم کروی اے و متاثرین اننگا خاندان تا کمک اے کروی اے۔
پانک اقوام متحدہ ٹی یو پی آر ( یونیورسل پیریڈک ری ویو ) نا 42 می اجلاس ٹی بھارت، اسرائیل، ہالینڈ، اٹلی، پیراگوئے و ایلو ملک تا ذکر اے کرسا پارے کہ دا کُل ملکاک پاکستان ٹی جبری بےگواہی اے خلاس کننگ کِن زور شاغان ھو و پاکستان اے مذھبی و ایلو صنف ( جینڈر ) تا حقاتا حوالہ ٹی تینا ایت و تحفظاتاتے تخار۔ پانک دا ملکاتا کردار نا تعریف اے کرین اے۔
