شال : بلوچ نیشنل موومنٹ نا ترجمان پارٹی نا سینئر انگا ممبر کامریڈ گلاب بلوچ نا بے وختءَ کَہننگءِ باز افسوز و ارمان کریسا پارے بلوچ قوم تینا اَسے باعلم و زانت کار سیئَن محروم مسونءِ۔ کامریڈ گلاب بلوچ نا قومی و علمی کاریمک ہر وخت یات مرور۔ ھونا علمی و قومی خذمت آک مننگُور و پاٹیءُ قومی سیاست نا تاریخ ئٹی مدام زندہ سلہور۔ ہرا سنگت آتون نی قومی تحریک ئٹی کاریم کرین ہوس اوفتا یات آتیٹی نی مدام زندہ مروس۔
ترجمان پارے کامریڈ گلاب بلوچ طالب علمی نا زمانہ اَن آشوبی سیاست تون ہمگرنچ مسونءِ۔ ھونا پِن شہزادہ گلاب مسونءِ ولے کامریڈ گلاب نا پِن ئٹ سیاسی و علمی حلقہ آتیٹی چائنگانءِ۔ ھو 8 اگست 1969 ئٹی کراچی ٹی ودی مَس ، ھونا باوا نا پِن محمد پسند نوری و لُمہ نا پِن زینب مسونءِ۔ ھو اعلیءُ تعلیم یافتہ ئس مسونءِ ، ھو ایم اے اکنامکس و ایم اے پولیٹیکل سائنس نا ڈگریءِ الکُونءِ۔ ھو 15 اکتوبر 2023 ٹی وفات کرے۔ ھو بلوچ ، بلوچستان و بلوچ قومی تاریخ نا زی آ بازنگا مضمون آتے لکھانءِ ۔ ھو بلوچ قومی سوال ، گدرینگوکا ، داسئَنا و بروکا وخت اَنا زی آ اَسے کتاب ئس ہم شِنگ کرینءِ۔ سنگت برھان زھی و ایلو قلمی آ پین تِیئَن ہم ھو تینا نوشتانک آتیئَن بلوچ قوم ءِ شعور و آگاہی تننگ نا تینا ذمہ واری آتے پورا کرینءِ۔
شہزادہ گلاب کراچی ٹی بلوچی ادب و علمی کاریمتءِ مونی دننگ کِن جوانو کردارس ادا کرینءِ۔ ھو نوود نا دہائیءِ عنقا نیشنل آرٹس سرکل نا پِن ئٹ اَسے ادبیءُ حلقہ سینا بنیاتءِ تخا امو نا ذریعہ ئٹ نوجواناتءِ لکھنگ و خواننگ نا کنڈا اتیسا و تعلیم تریسا کریکا۔ ھو طالب علمی نا دور ئٹ ہم ترقی پسند و قوم دوست خیالات تخاکہ۔ کراچی قوم دوست انگا بندغاک لالالعل بخش رند ، رحیم بخش آزات و لالافقیر محمد نا وڑنگا شخصیحت آک ھونا فکری و سیاسی تربیت ئٹی جوانو کردارس ادا کریسور۔ اینو نا بلوچ تحریک ئٹی ارا قوم جوش و جوزہ تون بی این ایم نا سروک شہید واجہ غلام محمد بلوچ کراچیءِ تینا سیاسی کاریمتءَ بنیاتءِ جوڑ کریسوس تو کامریڈ گلاب ھونا خُڑکنا سنگت آتَن اَسے سنگت اَس ئس و آخیریکو وخت اِسکان بلوچ قومی تحریک و اننا رشتہ تون ھوار اَس امو رشتہءِ کہ ھو شہید غلام محمد و بی این ایم تون جوڑاسوس۔
ترجمان پارے کامریڈ گلاب سن 2007 ئٹی باقائدہ بی این ایم ئٹی شمولیت کرے۔ ھو بی این ایمءِ اَسے انو آشوبیءُ پاٹی سینا وڑئٹ گچین کریسوس اموکہ ھونا قوم ودستءَ و ترقی پسند انگا خیال آتے پورا کننگ کِن کمک کیک۔ ھو پاٹی نا پلیٹ فارم اَن کراچی ٹی بلوچ چُناتا تعلیم و تربیتءِ کریسا و اوفتے قومی ذمہ واریتءَ بارسٹ علم و آگاہی تریسا اَس۔2008 ئٹی بی این ایم کراچی ٹی کامریڈ گلاب نا خِذمت آتے منیسا ہودے پاٹی نا قومی کونسل سیشن ٹی بازی ئٹ کونسلر منتخب کرے۔ ھونا جُہد و کوشست آتا وجہ اَن بی این ایم کراچی نا علاقہ پرانا گولیمار تون ھوار ایلو علاقہ تیٹی ہم مشہور مَس۔ کامریڈ گلاب نا وڑنگا شخصیت نا وجہ اَن بازنگا مسلہ آتون تموک محروم مروکا علاقہ آتیٹی بی این ایم بلوچ قومءِ تینا قومی آ سیاست تون ھوار عالمی و علاقہی معاملغاتَن پورا آگاہی تننگ ئٹی سرسوب مسونءِ۔ بی این ایم نا کارکناک بلوچ قوم نا خلاف ریاستی سازش آتے اموتیٹی نشہ نا پھیلائفِنگ و گینگ وار نا وجہ اَن بلوچ نسل کشی کروکا پاکستانی چم بازی آتن پردہءِ مُر کریساءِ۔ھو نشہءِ پھیلافِنگ نا خلاف مدام ذہین سازی کریسا اسکا۔ ھونا کوشست اسکا کہ امو نوجواناک کہ کَسر اَن چَپ اننانو اموفتے راست انگا کَسرءِ شان تریسا قومی تعمیر و ترقی نا کنڈا واپس اَتے۔ بی این ایم اینو نا سخت انگا حالیت آتیٹی کراچی ٹی تینا قومی مفاد آتے رکیفنِگ کِن و قومی مقصدءِ مونی دننگ کِن ہر وڑ نا حالیت آتیٹی کاریم کننگ ئٹیءِ دا کل کاریمتءَ کریڈٹ کامریڈ گلاب نا وڑنگا عظیم انگا کارکن آتے کائیِک۔