شال: بلوچ نیشنل موومنٹ نا سماجی بہبود بلوچستان ھٹی تعلیمی حالت نا زی آ تینا رپوٹاتا سلسلہ ٹی اِرٹمیکو وار اننا اِیت اے پاش کرین اے و پارینے کہ ضلع اے خضدار نا اِرا تحصیل ھورناچ و نال ھٹی 19 اسکول بندھو ارفتیٹی بازنگا اسکول تے پاکستان نا پوج تینا قوضہ ٹی کرین اے و اوفتے تینا پوجی کیمپس جوڑ کرین اے دافتیٹی 11 اسکول انونوں اَریر کہ اوفتیٹی بونکی سہولت نہ مننگ نا وجہ ھن چُناک جوہانو تعلیم حاصل کننگ ھن باز مُرھو۔
رپوٹ نا وڑٹ تحصیل ھورناچ نا ماتا پرائمری اسکول تیروکنڈ، پرائمری اسکول بیرونٹ ، پرائمری اسکول چب ، پرائمری اسکول کلی ولی خان ، پرائمری اسکول ڈل، پرائمری اسکول جنی ، پرائمری اسکول نیدو دمب و پرائمری اسکول دمب گدرینگوکا بازننگا سال آتین بند ھو۔
تحصیل ھورناچ ٹی 11 انونوں اسکول اَریر ہموفتیٹی بنکی تعلیم نہ مننگ نا وڑھٹی اے ڈسک و درسی اننگا کتاب آتن بیدس ہچو گڑاس اف اراڑن تعلیم مونا کائے دافتیٹی ہائی اسکول کھن ، پرائمری اسکول کھن ، گرلز پرائمری اسکول کھن ، مڈل اسکول کھن ، پرائمری اسکول کولی ، پرائمری اسکول دودا بازار ، پرائمری اسکول ملازھی چکلی ، گرلز پرائمری اسکول چکلی ، پرائمری اسکول الم خان و پرائمری اسکول سرداری بینٹ بنکی سہولت آک نہ مننگ نا وجہ ھن دا کُل انونوں اسکول ھو داڑے طالب علم آتے کلاس الننگ اے ھم باز اڑوجنجال پیش مریک۔
ضلع خضدار نا تحصیل نال نا یونین کونسل کودہ ٹی 11 انونوں اسکول ارے ارافتیٹی بازتے پاکستان نا پوج قوضہ کرین اے اوفتے تینا کیمپس جوڑ کرین اے و دا اسکول آک اینو دے اسکان پورا بند مسون ھو گڑاس اسکول تیٹی بُنکی سہولتاک نہ مننگ نا وجہ ھن اڑوجنجال تیٹی ھو۔
یونین کونسل کودہ ٹی پرائمری اسکول مزاردان کوڑاسک ، کوڈ نمبر 03501, پرائمری اسکول ایکل کوڑاسک ، پرائمری اسکول کونڈی کوڑاسک ، پرائمری اسکول شھول کوڑاسک کوڈ نمبر 13241 ، پرائمری چڈکوڑاسک ، کوڈ نمبر 03503 , ھانی اسکول کوڑاسک(پوجی تا قوضہ ٹی اے) ، مڈل اسکول کودہ ، پرائمری اسکول انور آباد کودہ ، پرائمری اسکول کلی قاسم خان کودہ و گرلز پرائمری اسکول کلی قاسم خان ھٹی تعلیم حاصل کننگ ھم نہ مننگ نا وڑھٹی ھو۔
بی این ایم نا محکمہ سماجی بہبود نا رپوٹ ھٹی دا پاننگان اے بلوچستان نا ایلو ضلع تا وڑ خضدار ھم پاکستان نا نوآباتی پالیسی تن متاثر مسون اے ۔ ظلم و جبر ، جبرھٹ بیگواہی ، تشدد، چیروکا جونک و پاکستانی فورسس نا دروغ نا مقابلہ آک خضدار ھٹی بلوچ مخلوک نا زندگی اے پورا تباہ و برباد کرین اے۔
رپوٹ نا وڑٹ خضدار نا تعلیم نا حالیت اے اگہ نظرس شاغنگ اے تو ھمو ایت مونا بریک ارا کہ ضلع اے آواران نا تحصیل آتائے۔اسکول تا بند مننگ ھن طالب علم آک سخت مشکل ھٹی ھو ۔ بلوچستان ٹی تعلیم نا وڑاک و بلوچستان ھٹی طالب علم تا جبرھٹ بیگواہی نا وڑآک و تکلیفاک بلوچستان ھٹی اَسے خوف سے نا ماحول اَس پیدا کرین ھو و بلوچ نا چُناک اینو تعلیم ھن محروم مسون ھو۔
