بلوچ نیشنل موومنٹ ( بی این ایم ) نا چیئرمین ڈاکٹر نسیم بلوچ برطانوی پارلیمنٹ نا ممبر جان میکڈونل تون آنلائن نشست ئٹی بلوچستان نا بارسٹ ایت وگپ کریسہ انا امیتءِ تخاءَ کہ برطانیہ بلوچستان نا تحریک تون امَر کمک کیک ہوفتہ حمایتءِ الِنگ و ہوفتہ حکومتءِ دا بابت ئٹ آگاہی تننگ و بلوچستان نا ایلو سخت انگاءَ حالیت نا بارسٹ پاننگ اَس کہ ہو تینا کردءِ مونءِ اتِیر۔
بلوچ نیشنل موومنٹ نا چیئرمین بروکا وخت آتے بلوچستان نا موضوع و مسلئہ نا زی آ برطانیہ ٹی پروگرام اڈ تننگ نا بابت ئٹ ہم پارے۔
جان میکڈونل ہودے باور تریسہ پارے کہ ھو بلوچ قوم نا حمایتءِ برجا تخنگ کِن ہروڑ نا مدت و کمک کننگ نا جُہدءِ کروے۔
دا وختءِ بلوچ نیشنل موومنٹ ( بی این ایم ) نا خارجہ سیکریٹری فہیم بلوچ ہم ساڑی ئس۔
ھو پارے دا نشستءِ پاٹی نا چیئرمین و جان میکڈونل نا نیامءِ بلوچستان نا سفارتی کاریم آتے مون مُستی دننگ کِن بازنگاءَ اِیت و گپ آک مسُر دافتے زوتس عمل کننگوئے۔
جان میکڈونل برطانیہ نا اَسے پنیءُ سیاستدان ئسءِ ہرا بلوچ قوم نا پرجوشءُ حمایت کروک ئس چائنگیک۔ھو بازنگاءَ موقع غاتے بلوچ آتا وکالتءِ کرینءِ و بلوچستان ئٹی انسانی حق آتے لگتمال کننگ کِن پاکستان اَن دافتہ سوجءِ الِنگ نا خواستءِ ہم کرینءِ ۔
