دسمبر نا تو ئٹی بلوچستان ئٹی بندغی حق آتا حالیت نا جائزہ: 38 جبر ئٹ بیگواہ، اسہ جون ئس خننگا، اورماڑہ ٹی پر ایمن برانز نا وخت آ تشدد آن اسہ بندغ ئس کھسک۔

پانک ماہانہ رپورٹ ، دسمبر 2022 ۔ انگریزی

شال: بندغی حق آتا ادارہ پانک نا تو ئنا رپورٹ نا رد ئٹ تدوکا سال ئنا آخری تو ئٹی 38 بندغ ئے جبر ئٹ بیگواہ کننگا ہرافتیٹی بیگواہ آ عمران بابو ئے پاکستانی لشکر ضلع آواران نا ہند بانی کولواہ ٹی دزگیری آن پد حراست ئٹی خلِسہ اونا جون ئے بزداد ئٹی بٹے۔

ضلع گوادر نا ہند اورماڑہ ٹی برانز ئٹی بشخ ہلوکا دوست محمد ولد دو شمبے ئے پولیس تشدد کریسہ خلک،ضلع کیچ ئنا ہند تجابان ئٹی پاکستانی لشکر لس مخلوق نا زی آ مارٹر خلک ہراڑان اسہ زالبول ئس ٹپی مس۔

رپورٹ ئٹی پاننگا کہ گوادر نا پر ایمن برانز ئے ختم کننگ کن تاغت کارمرز کننگا و بندغاتے تشدد نا گواچی کننگا۔کماش سیاسی رہشون حسین واڈیلہ تون اوار برانزی تے دزگیر کریسہ ایلو شہر آ تیٹی دننگا، براز ئٹی بشخ ہلوکا زالبول آتے ہم تشدد نا گواچی کننگا داڑان چاننگ مریک کہ پاکستان بلوچ آتے پر ایمن بدانز ئنا ہم اجازت ئے تفک۔

پانک نا رپورٹ ئٹی مونی پاننگا کہ پاکستانی لشکر و اونا ڈکھوک آ ادارہ آتا بھلنی ٹی جوڑ مروکا ڈیتھ اسکواڈ بلوچستان ئے اسہ بھلو زندان ئسیٹی بدل کریسہ بلوچ الس آن زندگی نا حق ئے پلانو۔راجی حق آک تینا جاگہ بنیاتی بندغی حق آتے ہم پلنگانے و راجی پارٹی نا زی آ پابندی ئے۔

پانک ئنا رد ئٹ بلوچستان ئٹی ریاست نا بھلنی ٹی پنی آ سردار آک تینا زاتی قید اڈ تسونو اوڑے بندغاتے جبر ئٹ کاریم ہلنگ مننگ ئے ہَرا بندغی حق آتا برخلافی ئے۔