شال : بلوچ نیشنل مومنٹ نا جارکش تینا درشان ئٹی پارے کہ ہنوکا ہفتہ آن بلوچستان نا ضلع کوہلو ٹی پاکستانی لشکر نا جارحانہ کاروائی برجاء ئے ، پاکستانی لشکر نا درست ٹھکانہ تا فضائی و زمینی جلہو کننگے اراڑان کہنگ آتا سوج ارے ۔
او پارے کہ عیلاقہ ٹی رسائی مفرنگ نا سوب آن درست صورت حال نا علم مننگ ئٹی افک ولہ ہندی حوال ابلاغ پک کرینگ کہ 26 نومبر نا شام آ کوہلو نا عیلاقہ سیاہ کوہ ٹی خلق آتے ہشنگ مس ، لشکر کشی نا وخت آ چُنا و زالبول تیتون ہندی بندغ آتا بھلو کچ ئس گرفتاری آن پد زورانسری ئٹ بے گواہ کننگ مسونے ۔
پاکستانی لشکر نا شعبہ تعلقات عامہ نوہ بندغے خلنگ نا دعوی کرینے حراست ئٹی ہلوکا تا شناخت ئے ظاہر کننگ متنے ۔
اراڑان لکھ آتا کچ بندغ آک بدترین نفسیاتی و بیماری و چاگڑدی بحران تا شکارو ارافتے فوری انسانی بنیاد آ کمک نا زرورت ئے ۔
جارکش پارے کہ پودینا موسم ئٹی بندغ آتا اُراتے ہشیسا درزن تا کچ خاہوت آتے تینا ہی سرزمین آ غیر یقینی حالات ئٹی بے اُرا کننگ مسونے ، ارا کہ انسانی حقوق نا شدید خلاف ورزی ئے انسانی حقوق آتا ادارہ بلوچستان ئٹی انسانی حقوق آتا پامالی تا توجہ ہیتر داڑے انسانی المیہ ئس پیدا مسونے ۔
او پارے کہ بلوچستان نا آبادی نا اکثریت دیہاتی عیلاقہ تیٹی تولیک اراڑے پاکستانی لشکر تینا مسلسل بے رحمانہ کاروائی تا زریعہ ئٹ بندغ آتا اندرون و بیرون وطن مہاجرت آ مجبور کرینے ، اراڑان لکھ آتا کچ بندغ آک بدترین نفسیاتی و بیماری و چاگڑدی بحران تا شکارو ارافتے فوری انسانی بنیاد آ کمک نا زرورت ئے ۔
