شال : پاکستان تینا دروغ نا ووٹءَ تیکِن جبرھٹ بیگواغا بندغاتءَ کہولءِ ووٹ شاغنگ کِن مجبور کننگءِ و اوفتے بدی ھٹ استعمال کننگ خوائیک و ریاستی تینا جبرھٹ شدت ایسونءِ و بندغاتیٹی خولیس پیدا کرینءِ ھو بندغاتءِ زور ھٹ اننا عمل نا بشخ جوڑ کننگ خوائیک ۔ دا ایت و گپ آتے بلوچ نیشنل موومنٹ نا ترجمان تینا اَسے بیان سیٹی پارے۔
ھو پارے وختی ھم پاکستانی ووٹ آتا وختءِ جبرھٹ بیگوائی و بندغی حقاتءَ زیات خلاف ورزی کننگانءِ۔پاکستان نا ووٹ آک خڑک مریساءُ اسوار پدا بلوچستان ھٹی پین وڑھٹ بندغی حقاتءَ خلاف ورزیک زیات مننگءُ۔
ھو پارے مروکا جبرھٹ بیگواہی نا لہر ڈیرہ بگٹی ھم تینا لپیٹ ھٹی الکونے۔اننا تُو ھٹی اِیرا درزن اسکان بندغاتءِ جبرھٹ بیگوا کننگانءِ اننا وڑ خلق و میتگاتے ھم پوج کشی کننگانءِ بندغاتءَ جان و مالءِ ھم نقصان تننگانءِ۔ اننا وڑ ضلع آواران و ضلع کیچ ھٹی یک کش ھٹ پوج کشی و جبرھٹ بیگوائیک بے کچ زیات مسونءُ۔
ھو پارے پورا بلوچستان ھٹی پاکستانی پوج نا تشدد ھن بندغاک ذہنی مریض جوڑ مسونءُ۔ جواناک خود کُشی کننگ ھٹیءُ داڑن بیدس سماج ھٹی خُلیس و بے تامبلی زیات مننگ ھٹیءِ۔
ترجمان پارے پاکستان ھٹی روایتی انگا ووٹ تیٹی امیدوارآک اَسِٹ ایلو نا خلاف اِیتاتیٹ جنگ کیرا انون مقبوضہ بلوچستان ھٹی پاکستان ووٹ نا ڈھونگ ھٹی بندغاتے طاقت نا زور ھٹ دروغ انگا ووٹ تیٹی بشخ الفیک و اوفتے تشدد کننگیک۔
“مروکا ووٹ تیٹی پاکستان نا پوج اَسے سازش سیٹی بلوچستان ھٹی بلو خانہ جنگی و تباہی سینا حالیت اَس جوڑکننگ نا ارادہ اَس کرینءِ اُو دادے قبائلی و سیاسی جنگ سے نا وڑ مونا اتیک و تینا بندغی حقاتءَ خلاف ورزیءِ ڈکننگ کے۔ اینوپگہ وڈ ھٹی و ایلو علاقہ تیٹی پاکستان نا پوج و ہونا سہولت کار ڈیتھ اسکواڈ نا پِن ھٹ اَسے سازش اَس ایسر کننگ نا کوشست اَس کننگ ھٹیءِ اننا تینا جوڑ کروکاتے آئندہ حکومت ھٹی اتے و اوفتا کسرءِ ساف کے۔”
ھو پارے بلوچ قوم دا حالیت ءِ پُو مرے مُر اُورے تینا سماجءِ اَسے جاگہ کریسا قوضہ گیر ریاست نا منصوبہ تے نا کام کے۔بلوچ قوم پاکستان نا ووٹ تَن ہروخت تینے مُرتیخے و قومی آجوہی نا تحریکءِ مضبوط کے۔
