آصف غفور نا دھڑہکو نوآبادیاتی سوچ اے۔دل مراد

شال : بلوچ نیشنل موومنٹ نا سیکریٹری جنرل دل مراد پاکستانی لشکر نا بلوچستان نا کور کمانڈر آصف غفور نا گوادر نا مخلوک ءِ دھڑھکو نا جواب تس و پارے کہ سیاسی باسکاتے دھڑھکو تننگ نوآباد کاراینگا نفسیات ءِ شان تننگے۔ و سرپد مریک کہ بلوچستان پاکستان نا کالونی ہسے ہوفتون غلام آتا وڑ و ڈھول سلوک کننگے انتیے کہ دا ہمو نا حقدار ھو۔ داراست ہسے کہ پاکستان نا فوج ننا سرزمینءِ قوضہ کرینے، و ظلم و نسل کشی کننگے لیکن بلوچ نا مزاحمت تاریخ ءِ ہسے پین رنگ ھس تسونے قربانی تا پین رنگ ہس مون آ بننگ اے دا نا خلاف جنگ اٹ بلوچ بے سوب متنے بلکہ جنگ مون آ اننگ اے و مزاحمت نا تاریخ اے پین روشنا کننگ اے۔

دل مراد پارے کہ آصف غفور ہمودے کہ بلوچ نا زی آ نسل کشی اے مننک و پائک کہ بلوچ آتے نن اغوا کینا انتے کہ محبت و جنگ اٹ کل کاریمک جائز و، و پشتون تا خلاف ھم نسلی تعصب اے شروع کرینے۔

آصف غفور نا بننگ تون جبری گمشدگی باز زیادہ مسونو، آصف غفور پرامن انگا سیاسی باسک آتے دھڑہکو تننگ آزادیٴ نا جنگ اے راست ثابت کننگ کن تینٹ شاہدی ہسے کہ داڑے پرامن انگا جدوجہد کننگ نا ہچوو وڑہس سلتو –

دل مراد مستی پارے کہ آصف غفور تون ھوار مچا ریاستی مشینری اننا خوائک کہ بلوچ اے خلینگے و چپ کریفینگے۔ اننا گوادر اٹ بلوچ نیشنل موومنٹ نا پیران سالہ رہنما کماش نصيرکمالان، محبوب وادیلہ، احمدداد، عبدالرحمن عارف، عارف نور، ساجدبلوچ، صدیق عیدو، لالاحميد ، کامریڈ قیوم، یوسف نظر تون ھوار بلو کچ اسیٹ سنگت آتے لاپتہ کننگ ان پد اوفتا ٹپی آ جون تے پٹ و میدان تیٹی خسانے۔

داسا پرامن جدوجہد کروکاتے دھڑہکو تتنگے و پانینگے کہ ھر کس احتجاج کرے ھوفتے ھم وزندان تا گواچی کرون۔ ہنون کماش واجہ حسین واڈیلہ اے ھم زندان نا گواچی کرینو ۔ دنو دھڑہکو طاقتور انگا مالک تینا غلام اے تننگ کیک، آزاتا قوم و آزات انگا چاگڑد اے دنینگا دھڑہکو نا ضلورت مفہک ۔ بلوچ قوم دا فیصلہ اے کرینے کہ و پاکستان نا جبری قوضہ نا خلاف ہھچو دھڑہکو یا لالچ سے ان تینا مقصد ان پدی ہمپرو بلکہ قوضہ گیرنا خلاف مش امبار سلو و تینا جدوجہد اے مون مزل آ سرکرو۔