بلوچ نیشنل موومنٹ اٹھائیس سال قبل پاکستان کی جانب سے مقبوضہ بلوچستان کے علاقے چاغی میں غیر قانونی ایٹمی دھماکوں کے اثرات کے خلاف برطانیہ، نیدرلینڈز اور جنوبی کوریا میں احتجاجی مظاہرہ، پُرامن مارچ اور آگاہی مہم کے تحت پمفلٹ تقسیم کرے گا۔
28 مئی 1998 کو پاکستانی ریاست نے چاغی، بلوچستان کے راسکوہ پہاڑوں میں مقامی بلوچ آبادی کو کسی قسم کی پیشگی اطلاع دیے بغیر بیک وقت پانچ زیرِ زمین ایٹمی دھماکے کیے۔ 28 سال گزرنے کے باوجود ان ایٹمی دھماکوں کے تباہ کن اثرات آج بھی بلوچستان کے لوگوں کی زندگیوں، صحت اور ماحولیات کو متاثر کر رہے ہیں۔
بلوچ نیشنل موومنٹ برطانیہ چیپٹر 28 مئی 1998، یومِ اَسروخ مناسبت سے 26 مئی 2026 کو ٹرافلگر اسکوائر لندن ، ہلز روڈ وار میموریل کیمبرج اور پکاڈیلی گارڈنز مانچسٹر میں آگاہی مہم کا انعقاد کرے گا۔
نیدرلینڈز چیپٹر کی جانب سے 28 مئی 2026 کو ایمسٹرڈیم سینٹرال سے دوپہر ایک بجے تا ڈھائی بجے ایک ریلی کا اہتمام کیا جائے گا۔ ریلی کا آغاز ایمسٹرڈیم سینٹرال سے ہوگا اور یہ ڈیم اسکوائر تک جائے گی۔جس کا مقصد مقبوضہ بلوچستان میں پاکستان کے ایٹمی دھماکوں سے متاثرہ عوام کی مسلسل تکالیف اور مسائل کے بارے میں آگاہی پیدا کی جا سکے۔
جنوبی کوریا چیپٹر کی جانب سے بوسان میں 28 مئی 2026 کو شام 5 بجے تا 6 بجے سٹی اسپاٹ، نامپو ڈونگ ایک احتجاجی مظاہرہ اور پُرامن مارچ منعقد کیا جائے گا۔
ہم سب لوگوں سے اپیل کرتے ہیں کہ وہ انصاف کے لیے آواز بلند کرنے، آگاہی پیدا کرنے اور ان متاثرین کے ساتھ اظہارِ یکجہتی کے لیے ہمارے ساتھ شامل ہوں جو آج بھی ان ایٹمی دھماکوں کے نتائج بھگت رہے ہیں۔