Skip to content

پانک نا مئی 2025 نا رپورٹ، پاکستانی لشکر 27 بندغ ئے وے عدالت آن کھسفے، 128 ئے زوراکی ئٹ بیگواہ کرے

بلوچ نیشنل موومنٹ (بی این ایم) نا ادارہ مئی 2025 نا رپورٹ ئے شنگ کرینے، ہراٹی بلوچستان ئٹی بندغی حق آتا حالیت ئے بیان کننگانے۔ دا رپورٹ ئٹی بلوچستان ئٹی کیہی دھک آتان بندغی حق آتا حالیت ئے فریشان کروک…

The Human Rights Department of the Baloch National Movement (BNM), Paank, has released its report for May 2025, documenting the deteriorating human rights situation in Balochistan. The report highlights a deeply alarming escalation in state violence that continues a decades-long pattern of abuse in the region. According to data compiled by Paank, 128 individuals were forcibly disappeared by the Pakistan Army during May 2025, while 27 people were subjected to extrajudicial killings. The highest number of enforced disappearances were reported from Gwadar district, with 32 cases. Other affected areas include Kech (27), Karachi (10), Awaran (9), Shaal (8), Panjgur and Mastung (7 each), Chagai (5), Dera Bugti (4) and Nushki (6), Musakhel, Kalat, and Khuzdar (3 each), Barkhan and Harnai (2 each), and Washuk (1).

پی ڈی اف رپورٹ :

بلوچ نیشنل موومنٹ (بی این ایم) نا ادارہ مئی 2025 نا رپورٹ ئے شنگ کرینے، ہراٹی بلوچستان ئٹی بندغی حق آتا حالیت ئے بیان کننگانے۔ دا رپورٹ ئٹی بلوچستان ئٹی کیہی دھک آتان بندغی حق آتا حالیت ئے فریشان کروک کچ اسکان گیشتری ئے درشان کیک۔

پانک ئے رسینگوک حساب و کتاب نا رد ئٹ بلوچستان ئٹی مئی 2025 ئٹی پاکستانی فوج 128 بندغ ئے زوراکی ئٹ بیگواہ کرے، ہندن 27 بندغ ئے وے عدالت آن کھسفے، زوراکی ئٹ بیگواہی نا گیشتر کیس آک ضلع گوادر ئٹی رپورٹ مسک ہراڑے 32 بندغ ئے زوراکی ئٹ بیگواہ کننگا۔ داڑان پد کیچ ئٹی 27، کراچی ٹی 10، آواران ئٹی 9، شال ئٹی 8، پنجگور و مستونگ ئٹی 7، چاغی ٹی 5، ڈیرہ بگٹی 4 ، نوشکی ٹی 6، موسی خیل ، قلات و خضدار ئٹی 3، ہندن بارکھان ، ہرنائی ٹی 2، و واشک ئٹی 1 بیگواہی ئسینا کیس رپورٹ مسک۔

وے عدالت آن کھسفنگ نا حوالہ ئٹ مئی نا تو بھاز خراب گدرینگانے، 27 بندغ ئے پاکستانی لشکر و اوڑتو تفوک ادارہ، ریاستی ڈیتھ اسکواڈ آک کھسفیر، 1 مئی آ پنجگور نا علاقہ تسپ ئٹی سمیر احمد ئے دزگیر کننگ آن پد زوراکی ئٹ بیگواہ کننگا و 9 مئی آ اونا جون دو تما۔ 5 مئی آ 15 سالی آ علی بلوچ ئے ریاستی نا مخ تفی ٹی کاریم کروک ڈیتھ اسکواڈ آک کیچ ئٹی کھسفیر۔
10 مئی آ وحید بلوچ ئے پنجگور آن بیگواہ کننگا و گڈیکو دے اونا سم تے ئٹ خُلّوک جون دو تما۔

صوفی طارق ئے گوادر نا دیہات جیمڑی آن دننگ آن گڈ کھسفنگا۔ ہندن فہد لہڑی نا جشوک آ جون 13 مئی آ شال آن دو تما۔2014 ٹی بیگواہ کننگوک محمد رمضان نا جون ہم دو تما۔ یونس بلوچ ئے آواران نا ہند مالا ئٹی کھسفنگا۔ بختیار بلوچ ئے ہمو وخت آ قلات ئٹی کھسفنگا ہرا وخت او فوجی کاروائی تا برخلاف توار ہرفنگ ئٹی اسک۔

ساجد بلوچ، یاسر بلوچ، حنیف عزیز، عبدالطیف، و غوث بخش نا وڑ انگا بندغ تے اُرا تے آن بیگواہ کرسہ کھسفنگا۔ عبدالطیف بلوچ ہرا سینئر او صحافی ئس اسک، ئے اونا اُرا ٹی خاچنگ نا حالیت ئٹی سمکاری کرسہ کھسفنگا۔ ہراڑان بلوچستان ئٹی میڈیا ئے خطرہ تیتو مون تننگ نا پک او ثبوت رسینگا۔ مئی ٹی 3 بندغ عبدالرحمن بزدار، فرید بزدار و سلطان مری ئے پولیس نا ادارہ سی ٹی ڈی بیگواہ کرے و منہ دے آن پد دروغ نا مونتس ئٹی بارکھان ٹی کھسفے۔

26 و 27 مئی آ آوارن نا مچی مالار ئٹی فوجی کاروائی نا وخت آ لس شاری نعیم بلوچ و ھوری بلوچ ئے کھسفنگا، و اسہ نیاڑی ئس بھاز ٹپی مسک۔ 22 مئی آ شیرخان کھیتران ئے بارکھان آن دزگیر کننگا و اونا جون 28 مئی آ دو تما۔ درمان بلوچ ئے ارا وار دزگیر کننگا و آخر کار اونا جون 30 جون آ جاھو آن رسینگا۔ آپسر تربت ضلع کیچ ئٹی 29 مئی آ ڈرائیور مسافر بلوچ ئے کھسفنگا۔ ہندن ہمو دے ئکن نذر بلوچ، عبدالعزیز و ایلو دے 30 مئی آ لیویز کارندہ صغیر احمد ئے ہم کھسفنگا۔

پانک نا رپورٹ ئٹی پاننگانے کہ دا کھل تدینیک تیان دا ظاہر مریک کہ بلوچستان ئٹی ریاستی ادارہ و اوفتا مخ تفی ٹی کاریم کروک ڈیتھ اسکواڈ بے مہار مرسہ لس شاری ، طالب علم ، صحافی و سرکاری کارندہ تے ٹک کننگ ئٹی ءُ۔ دا تدینیک نہ بیرہ قانودی اصول آتا برخلافی کو بلکن اجتماعی سزا ، خوف ئنا فضا و زوراکی ئٹ بے تواری ئے مسلط کننگ نا بشخ ءُ۔ جہانی ایلمکو آن خواست کننگک کہ او دا سوگو و خطرناک بندغی حق آتا لتاڑ نا زوت نوٹس ئے ہلیر و بلوچستان نا بیوس آ الس ئے انصاف ترسہ تینا کڑدار ئے ادا کیر۔

thebnm.org/brh/paank/31761/