ھینوور ، جرمنی : بلوچ راجی زْرمبشت ( بی این ایم ) جرمنی تک ءِ ھینوور بنزہ ءِ گچینکاری بوت اَنت ، اے گچینکاریاں راشد شکاری کارگشاد ءُ وحید کمک کارگشاد گچین بوت۔ ءُ گوں وت ماں وتی شور ءُ سوڑگ ءَ ندیم ءُ سمیع ءَ پوڑیانی گرگ ءِ زمہ واری دیگ بوت۔ نوک گچین بیتگیں اگدہ داراں وتی اگدھانی سوگند وارت ءُ پہ گل ءِ من ءُ مولانی سر بیگ ءَ وتی مسام نوک کرت۔
نیاد ءِ پاگواجہ حنیف بلوچ اَت ءُ بی این ایم جرمنی تک ءِ کلیتدار عبداللہ گچینی مھمان اَت۔
بنزہ ءِ نام گپتگیں نیاد ءَ کارکردگی گزارش پیش کنگ بوت۔گزارش ءُ بنزہ ءِ سرگرمیانی پد ءَ حنیف ءَ بنزہ ءِ تک ءَ آگاھی نیاد ( اسٹڈی سرکل ) ءُ سیاسی سرگرمیانی یکشلیں برجاھی ءِ سر ءَ زور دات۔نیاد ءِ میان ءَ بلوچستان ءِ راجی جھد ءُ مٹ بیتگیں جاورانی پد ءَ بی این ایم ءِ کرد ءُ گل ءِ لھتے پرارزشتیں کارانی سر ءَ ھم گپ ءُ تْران بوت۔