گلی گر ءُ بندانی یکشلیں بگیری ، گل ءِ بگیری ءَ چاگردی رسانکدر ءَ گپ جنگ ءُ در گلی روشت ءُ کرد ءِ سر ءَ سر نہ دیگ ءِ پد ءَ برتانیا ءَ جاھمنندیں حامد علی ءِ چہ بلوچ راجی زْرمبشت ( بی این ایم ) ءَ باسکی آسر کنگ بیتگ۔
بلوچ راجی زْرمبشت ( بی این ایم ) ءِ جارکش ءَ اے رد ءَ رسانکدر ءَ دیم داتگیں وتی جارے ءَ گْوشتگ حامد علی ءَ برتانیا ءَ سر بیگ ءَ پد گل ءِ باسکی ءِ دزبندی کرت۔گل ءِ آئین ءَ نبشتگیں ڈکانی پیلو کنگ ءُ گوں گل ءَ وفاداری ءِ سوگند ءَ پد آ باسک کنگ بوت۔ ھمے باسکی ءِ برپشت ءَ گل ءَ برتانیا ءِ سرکار ءَ دزبندی کرت کہ آئی ءَ سیاسی باھوٹ بہ کنت۔
بلے ، نام گپتگیں باسک چہ وتی سوگند ءَ برگشت ، پہ زانت گل ءِ گر ءُ بندانی بگیری ئِے کرت ءُ باز بر ءَ ماں چاگردی رسانکدر ءَ گوں وتی گپاں گل ئِے تاوان دات۔
آئی ءِ یکشلیں ناراہ ءُ در گلی کرد ءُ کارانی سر ءَ چہ گل ءَ آئی ءِ باسکی آسر کنگ بیتگ۔ اے شور ءَ پد آ گل ءِ باسک ، جھگیر یا چوناھیں ھم بستارے ءَ گل ءِ نام ، پجار ، گل ءِ اگدہ یا گوں گل ءَ وتی بندوکی ءَ پیش داشت ءُ کارمرد کرت نہ کنت۔
حامد علی وتی درسیں گپ ، کرد ءُ کارانی مانزمان آ وت اِنت ، بلوچ راجی زْرمبشت ( بی این ایم ) آئی ءِ ھچ کاراں کار نیست۔
گل ءِ درسیں تْرامگیج ، بنزہ ، باسک ءُ ھمگرنچیں تک اے بارہ ءَ سھی کنگ ءُ گْوشگ بہ اَنت کہ آ گوں حامد علی ءَ گل ءِ کارانی سر ءَ ھچ وڑیں راھوت مہ دار اَنت۔