برلن : ماں جرمنی ءَ بی این ایم جرمنی تک ءِ کماش اصغرعلی ءِ پاگواجھی ءَ گل ءِ نیادے برجم بیتگ ، اے نیاد ءِ مول گل ءِ کارانی سر ءَ چمشانک دیگ ءُ برلن ءُ برانڈنبرگ بنزہ ءِ کارکرد ءِ چد ءُ گھتر کنگ اَت۔ مراگش ءَ نام گپتگیں بنزہ ءِ باسک ءُ زمہ واراں بھر زرت۔ بنزہ ءِ گچینکاریانی پد ءَ ثابت بنزہ ءِ کارگشاد ءُ اسد بنزہ ءِ کمک کار گشاد گچین بوت۔
نیاد ءِ گچینی مھمان بی این ایم ءِ بنجاھی کمیٹی ءِ باسک ھمل اَت ۔ اے نیاد بابا خیربخش مری ءِ دوازدھمی سالروچ ءِ درگت ءَ ھمائی ءِ نام ءَ اَت ءُ گوں آئی ءِ سسا ءُ کرد ءَ ھمگرنچ بیگ ءِ نیمگ ءَ دلگوش گْور کنائینگ بوت۔
بھر زیروکاں نوک گچین بیتگیں کارگشاد مبارک باد دات اَنت ءُ پہ گل ءِ مولانی دیم ءَ برگ ءُ شاھگانیں بلوچ راجی زْرمبشت ءِ تہ ءَ برلن ءُ برانڈنبرگ بنزہ ءِ کرد ءِ مگیم کنگ ءَ وتی ھمراھداری ءِ دلجمی دات۔
نیاد ءِ جارچین ثابت ءُ جلال اَت اَنت۔