بلوچ نبشتہ کار ءُ زانت کار ڈاکٹر نصیر دشتی ءَ جرمنی ءَ ماں نیادے ءَ تْران کنان ءَ گْوشتگ کہ ایوک ءَ شھمیرانی یات کنگ بس نہ اِنت ، نوکیں پدریچ ءَ اے سرپد بیگی اِنت کہ بلوچستان نزیک دو سد سال ءَ پرچا آزار ءُ بے تاھیریانی آماچ اِنت۔
ڈاکٹر نصیر دشتی ءَ ھینوور ءَ بلوچ راجی زْرمبشت ( بی این ایم ) ءِ چیردستی ءَ برجم دارگ بیتگیں بلوچ شھمیرانی جھانی روچ ءِ نیاد ءَ تْران کنان ءَ 13 نومبر 1839 ءَ کلات ءِ سر ءَ برتانیہ ءِ زورگری ءِ بارہ ءَ گپ جنان ءَ گْوشت ھمے روچ ءَ جنرل ولٹشائر ءِ لشکر ءَ خانِ بلوچ ءُ آئی ءِ 700 ھمراہ کشت۔ آئی ءِ گْوشگ اَت کہ چہ ھمیشی ءَ پد راجی شان ءُ وت واکی ءِ پھریزگ ءَ ھزاراں بلوچ جنین ءُ مردیناں وتی سر نْدر کرتگ اَنت۔
آئیءَ گْوشتگ شھمیرانی ستک ءُ ساڑایگ ءِ جْوان تریں راہ ایش اِنت کہ مروچی سیاسی جھدکار ءُ نبشتہ کار ھمے بنکی جستے پسو ءَ بہ دنت کہ آزار چہ 180 سال ءَ پرچا برجاہ اَنت۔گْوستانک ءِ سرپد بیگ ءَ پد نوکیں پدریچ ءِ تہ ءَ ھمے بود مان بیت کہ وتی جھد ءَ تچکیں مزرویے دات بہ کنت ۔
نصیر دشتی ءَ بلوچستان ءَ دیر ءُ دراجیں ویل ، زمین جاور ءُ لیکھانی پد ماں پدی آماچ لیک اِت۔ آئی ءَ 1807 ءَ نپولین ءُ روسی زار ءِ نیام ءَ بیتگیں ٹلسٹ ءِ مسام ءِ درور دات ، کہ آئی ءِ رد ءَ ھمے مسام ءِ تہ ءَ ھندوستان ءِ سر ءَ بیڑ برگ ءِ ڈکے ھم گون اَت ءُ چہ ایشی ءَ برتانیہ ءِ پیش گامیں کارشور توانمند بوت۔ ھمیشی ءِ پد ءَ افغانستان ، بلوچستان ءُ سندھ ءِ زور گرگ بوت اَنت ءُ اے دمگ روس ءُ برتانیہ ءِ نیام ءَ مزن گوازی بھر بوت۔
آئی ءَ گْوشتگ کہ 1917 ءِ روسی آشوب ءُ آئی ءِ زورشاھی ءِ بگیری ءِ دیدانک ءَ 1920 ءُ 1930 ءِ دھکاں ءَ بلوچ سیاسی جھدکار سانمنمد کرت اَنت ، بلے چہ دومی جھانی جنگ ءَ پد گیش تریں نوک آبادی راج آزاد بوت اَنت ءُ بلوچ ءَ آزاد بوت نہ کت۔ سرد جنگ ءِ اداریگ ءَ امریکہ ءُ سوویت یونین ءَ بلوچستان ءِ سر ءَ زورگریں ڈیھانی پلہ مرزی کرت ، پمیشکا 1973-74 ءَ پاکستان ءُ ایران ءِ ھواری ءَ زوراکی بوت ، کہ ایشی ءِ تہ ءَ ایرانی جنگی بالگرداں ھم کارمرد کنگ بوت اَنت ۔
1980 ءِ دھک ءِ افغان جنگ ءَ بلوچ چاگرد چد ءُ گیش زیان دات ، بنیاد پسندی گیش کرت دینی کارستانی کرد گیش کرت ءُ نشہ ءِ باپار آرت۔ آئی ءَ شیوار کرت کہ یورپ ءِ چاگرد نی بھر بیگ ءَ اِنت ، آئی ءِ گزرانکی پدوکائی روگ ءَ اِنت ءُ ترندیں روئیں راج دوستی گیش بیگ ءَ اِنت۔ کمکیں سالانی تہ ءَ یورپ چہ انسانی اگبال ءُ لبرل راج مستری ءِ باج بر ءِ کارست ءَ یک کر بیت چہ ایشی ءَ ایشیا ءُ افریقہ ءِ زیردستیں راجانی پلہ مرزی کم بیت۔
دشتی نے بلوچستان میں نایاب زمینی معدنیات کی بڑی مقدار کی حالیہ دریافت کا بھی ذکر کیا اور کہا کہ اس سرزمین کا چین، روس، بھارت اور مغربی طاقتوں کے لیے تنازعے کا میدان بننے کا امکان ہے۔ انھوں نے نئی نسل کے لکھاریوں اور کارکنوں پر زور دیا کہ وہ یورپ اور شمالی امریکا میں سیاسی تبدیلیوں اور ان کے خطے پر ممکنہ اثرات کا بغور مطالعہ کریں۔
دشتی ءَ بلوچستان ءَ انی شوھاز بیتگیں نایابیں زمین چیری مڈیانی بارہ ءَ گپ جنان ءَ گْوشت کہ اے سرڈگار ءِ چین ، روس ، ھندوستان ءُ روکپتی واکانی جنگ ءِ میدان بیگ ءِ گت ھست۔ آئی ءَ نوکیں پدریچ ءِ نبشتہ کار ءُ جھدکاراں کڈن کرت اَنت کہ آ یورپ ءُ گوریچانی امریکہ ءَ سیاسی مٹی ءُ آیانی اے دمگ ءِ سر ءَ گمانی ساناں ھیرتی ءَ بہ چار اَنت۔
